کنداپور،26/اگست (ایس او نیوز) کنداپور کے قریب مرونتے سمندر میں ماہی گیری کے دوران ایک چھوٹی سی کشتی الٹ کر غرقاب ہوگئی، مگرکشتی پر موجود چاروں مچھیرے کنارے پر پہنچنے میں کامیا ب ہوگئے،البتہ کشتی کو سیدھا کرنے کی کوشش میں کشتی کے مالک کے پیر کو چوٹ لگنے کی اطلاع ملی ہے۔
ذرائع سے ملی اطلاع کے مطابق سرینواس کھاروی گنگولی کی ملکیت والی ’آدی آننجیا‘ نامی ماہی گیر کشتی پر سوارراما کھاروی، کرشنا کھاروی، شنکر کھاروی اور سبھاش کھاروی نامی چارمچھیرے’ماراسوامی‘ مندر کے قریب سمندر میں مچھلیاں پکڑنے میں مصروف تھے۔اس دوران سمندر میں اچانک تیز لہریں اٹھنے لگیں اور کشتی بے قابو ہوکر الٹ گئی۔چاروں مچھیروں نے تیر تے ہوئے کنارے پہنچ کر اپنی جان بچالی۔
ذرائع کے مطابق اس حادثے میں کشتی کے دو انجن، مچھلی پکڑنے کے جال اور کشتی کو بہت زیادہ نقصان پہنچا ہے۔ سمندر میں الٹی ہوئی کشتی کو اوپر اٹھانے کے دوران کشتی کے مالک سرینواس کھاروی کوچوٹیں آئی ہیں اور انہیں کنداپور کے ایک اسپتال میں داخل کیا گیا ہے۔