بی ایم ٹی سی میں 4دنوں تک ڈیزل کا ذخیرہ موجود: مینیجنگ ڈائرکٹر جی ستیہ وتی
بنگلورو،29؍ جون (ایس او نیوز؍ایجنسی) بنگلور میٹرو پالیٹن ٹرانسپورٹ کارپوریشن(بی ایم ٹی سی) کی مینیجنگ ڈائرکٹر جی ستیہ وتی نے بتا یا کہ شہر کے تمام بی ایم ٹی سی بسیس حسب معمول دوڑیں گی، اگلے چار دنوں تک کا ڈیزل موجود ہے اسلئے عوام کو مشکلات کا سامنا کرنا نہیں پڑے گا۔ بی ایم ٹی سی بسوں کے لئے ڈیزل کی قلت کے تعلق سے الجھن پر اخباری نمائندوں سے بات کر تے ہو ئے ستیہ وتی نے اس خیال کا اظہار کیا۔
انہوں نے کہا کہ سو شیل میڈیا پر یہ خبر پھیلا ئی جا رہی ہے کہ ڈیزل کی قلت کی وجہ سے بی ایم ٹی سی بس سرویس بند کی جا ئے گی،لیکن اگلے4دنوں تک کا ڈیزل کا ذخیرہ موجود ہے اور اگلے دو دنوں کے اندر تمام مسائل کا حل تلاش کیا جا ئے گا،اسلئے مسافروں کو گھبرانے کی ضرورت نہیں ہے۔انہوں نے بتا یا کہ ہول سیل ڈیزل کی خریداری سے فی لیٹر30روپئے زیادہ ہوں گے اسلئے ابتک پھٹکل خریداری کی جا رہی ہے،پٹرول بنک کے مالکان ڈپو میں ڈریزل سپلائی کر رہے تھے لیکن اب یہ سلسلہ بند کئے جانے سے بسوں کو پٹرول بنک جاکر خریدنا پڑ رہا ہے۔انہوں نے بتا یا کہ شہر کے پٹرول بنکو ں میں ڈیزل خریداری کے تعلق سے ٹرافک پو لیس سے گزارش کی گئی ہے، ڈپو کے قریب موجود بنکوں میں ڈیزل خریداری کے موقع پر بھیڑ پر روک لگانے کے اقدامات کئے جا ئیں۔
انہوں نے بتا یا کہ بی ایم ٹی سی بسیں عوامی خدمات انجام دے رہے ہیں،منافع حاصل کرنا ادارہ کا مقصد نہیں ہے اسلئے پھٹکل قیمت پر ہی ڈیزل فراہم کرنے مرکزی اور ریاستی محکہ ایندھن سے گزارش کی گئی ہے۔ ستیہ وتی نے بتا یا کہ اس سے قبل ایچ پی سی ایل سے ہول سیل میں ڈیزل خریدا جا تا تھا، تقریباً70کروڑ روپئے واجب الادا ہیں جسے مرحلہ وار ادا کرنے کی ہدایت دی گئی ہے۔ انہوں نے بتا یا کہ پھٹکل ڈیزل خریداری کی وجہ سے روزانہ70لاکھ روپئے کی بچت ہو رہی ہے،کووڈ کی وجہ سے عملہ کو تنخواہ جاری کر نے بھی مشکلات کا سامنا کرنا پڑا اب حالات میں سدھار آرہا ہے۔