بنگلور 26/اکتوبر (ایس او نیوز) بھٹکل مسلم جماعت بنگلور کی  طرف سے کل اتوار 27/اکتوبر کو   سالانہ گیٹ ٹو گیدر پروگرام "بی ایم جے بی ملن 2019"  منعقد کیا گیا ہے جس میں بنگلور جماعت کے تمام ممبران سے  شرکت کی درخواست کی گئی ہے۔

گیٹ ٹو گیدر پروگرام صبح نو بجے شروع ہوگا اور شام پانچ بجے تک  چلے گا جس میں   مختلف کھیل، مقابلے، بچوں کے پروگرام، فیملی کے لئے مخصوص کھیل سمیت دیگر بہت سارے تفریحی پروگرام ہوں گے  جبکہ  اس موقع پر بنگلور میں تعلیم حاصل کرکے میٹرک، سکینڈ پی یو سی، ڈگری وغیرہ میں امتیازی نمبرات سے کامیاب ہونے والے  ہونہار طلبا کو تعلیمی ایوارڈ سے بھی نوازا جائے گا۔

 بی ایم جے بی ملن 2019 کا یہ پروگرام بنگلور، شیواجی نگر کےشمس کنوینشن سنیٹر (اے کے ایس کنوینشن سینٹر کے پیچھے)  منعقد کیا گیا ہے ۔  سب سے پہلے پروگرام میں شریک ہونے والوں کے لئے بھی خصوصی انعامات  رکھے گئے ہیں جبکہ ریفل ڈراء سے بھی انعامات ممبران میں تقسیم کئے جائیں گے۔

پروگرام میں شریک ہونے کے  لئے ٹکٹ لینا ضروری ہے جو  لینڈ لنکس،  دامودی اسٹیل اور  ایس ایم یحیٰ ہوسٹل میں دستیاب رہیں گے، جماعت کے صدر نظام صدیقہ (موبائل نمبر 9916574375‬)،  نائب صدر معاذ جوکاکو (موبائل نمبر 9886269114)  یا پروگرام کے کنوینر مدثر ائیکری (موبائل نمبر 9901111999) پر رابطہ کرکے بھی ٹکٹ  حاصل کرسکتے ہیں اور مزید تفصیلات بھی ان ہی ذمہ داران سے حاصل کی جاسکتی ہے۔