بی ایم سی نے بمبئی ہائی کورٹ میں کہا، سونو سو ُد عادی مجرم ہیں، غیر قانونی تعمیر سے پیسہ کمانا چاہتے ہیں
ممبئی،13جنوری (آئی این ایس انڈیا) بمبئی میونسپل کارپوریشن (بی ایم سی) لاک ڈاؤن کے دوران ضرورت مندوں کی مدد کرکے سرخیاں بنانے والے اداکار سونو سوڈ پر سخت موقف اپنائے ہوئے ہے۔ بمبئی ہائی کورٹ میں دائر حلف نامے میں بی ایم سی نے کہا ہے کہ سونو سود ایک عادی مجرم ہے، جو بار بار تخریب کاری کی کارروائیوں کے باوجود جوہو میں رہائشی عمارت میں غیر قانونی تعمیرات کرواتے رہے۔
بی ایم سی نے اپنے حلف نامہ میں کہا ہے کہ درخواست گزار (سونو سود) ایک عادی مجرم ہے اور وہ غیر قانونی طریقے سے پیسہ کمانا چاہتا ہے۔ اس نے منہدم حصے کی تعمیر کو دوبارہ لائسنس ڈیپارٹمنٹ کی اجازت کے بغیر غیر قانونی تعمیر کروایا، تاکہ اسے ہوٹل کے طور پر استعمال کیا جاسکے۔اس تنازعہ کے درمیان اداکار سونو سودنے منگل کی شام کو نیشنلسٹ کانگریس پارٹی (این سی پی) کے سربراہ شرد پوار سے ملاقات کی ٖتھی۔ تقریباً آدھے گھنٹے تک دونوں کے مابین گفتگو ہوئی۔
ذرائع کے مطابق سونو نے پوار کو بتایا کہ انہوں نے کوئی غیر قانونی تعمیر نہیں کی ہے، کچھ لوگ ان کو بدنام کر رہے ہیں۔بی ایم سی نے سونوسود کو گذشتہ سال اکتوبر میں نوٹس جاری کیا تھا۔ انہوں نے اس نوٹس کو دسمبر میں سول عدالت میں چیلنج کیا تھا، لیکن ان کی درخواست خارج کردی گئی تھی۔ اس کے بعد انہوں نے بمبئی ہائی کورٹ کا رخ کیا۔ اس پر ہائی کورٹ نے بی ایم سی سے حلف نامہ داخل کرنے کو کہا تھا۔
بی ایم سی نے سونو سودکے خلاف جوہو پولیس اسٹیشن میں شکایت درج کروائی ہے،اس میں کہا گیا ہے کہ اداکار نے ممبئی کے اے بی نیئر روڈ پر شکتی ساگر بلڈنگ کو بغیر اجازت کے ایک ہوٹل بنادیا، یہ چھ منزلہ رہائشی عمارت ہے اور اسے تجارتی استعمال نہیں کیا جاسکتا،یہ بھی الزام ہے کہ سونوسود نوٹس دیئے جانے کے بعد بھی غیر قانونی تعمیرات کرواتے رہے۔