وارانسی، 28 مئی(ایس او نیوز/آئی این ایس انڈیا) لوک سبھا انتخابات میں بی جے پی اور وارانسی سے اپنی جیت کے بعد وزیر اعظم نریندر مودی آج پہلی بار اپنے پارلیمانی حلقہ پہنچے ہیں۔یہاں بی جے پی کارکنوں سے خطاب کرتے ہوئے وزیر اعظم مودی نے کہا کہ سیاسی نظریات کی وجہ سے کئی ریاستوں میں بی جے پی کارکنوں کا قتل ہوا ہے۔انہوں نے کہا کہ ہمارے ملک میں سیاسی چھواچھوت ان دنوں دن بڑھتی جا رہی ہے۔پی ایم مودی نے کہاکہ میں بھی بھارتیہ جنتا پارٹی کارکن ہونے کے ناطے پارٹی اور کارکن جو حکم کرتے ہیں، اس پر عمل کرنے کی میں بھرپور کوشش کرتا ہوں۔ایک ماہ قبل جب میں یہاں تھا، جس آن بان شان کے ساتھ کاشی نے ایک عالمی طور دکھایا تھا، وہ صرف یوپی کو متاثر کرنے والا نہیں تھا، اس نے پورے ملک کو متاثر کیا تھا۔مودی نے کہاکہ شاید ہی کوئی امیدوار الیکشن کے وقت اتنا مطمئن ہوتا ہوگا، جتنا میں تھا۔اس اطمینان کا سبب اپنی محنت اور کاشی والوں کا اعتماد تھا۔نتیجے اور ووٹنگ دونوں وقت میں مطمئن تھا اور بڑے سکون کے ساتھ کیدارناتھ میں بابا کی گوفہ میں بیٹھ گیا تھا۔مودی نے کہاکہ اس انتخاب میں مختلف جماعتوں کے ساتھی اور آزاد امیدوار ساتھی جو میدان میں تھے، ان کا بھی میں شکریہ ادا کرتا ہوں کہ انہوں نے پورے وقار کے ساتھ کاشی کی انتخابی مہم کو آگے بڑھایا،میں نے تمام دیگر امیدواروں کا دل سے سلام کرتا ہوں۔ انہوں نے کہاکہ اس انتخاب میں جب کارکنوں کے ساتھ میرا ملنا ہوا تھا تو اس دن میں نے کہا تھا کہ یہاں پر شاید نامزدگی تو ایک نریندر مودی کا ہوئی ہوگی لیکن یہ انتخابات ہر گھر نریندر مودی لڑے گا، ہر گلی کا نریندر مودی لڑے گا۔پی ایم مودی نے کہاکہ یہاں کی بیٹیوں نے جو اسکوٹی یاترا نکالی اس کی پورے ملک میں اور سوشل میڈیا میں بڑی بحث ہے، اسکوٹی پر بیٹھ کر ہماری بیٹیوں نے پوری کاشی کو اپنے سر پر بٹھا لیا تھا۔ انہوں نے کہاکہ آج اتر پردیش ملک کی سیاست کو نئی سمت دے رہا ہے۔2014 ہو، 2017 ہو یا 2019 ہو، یہ ہیٹ ٹرک چھوٹی نہیں ہے۔اتر پردیش کے گاؤں کا غریب شخص بھی ملک کی صحیح سمت کے بارے میں سوچتا بھی ہے اور اس سمت میں چلتا بھی ہے۔پی ایم مودی نے کہاکہ حکومت کا کام ہے کام کرنا اور اس وجہ سے ایک طرف حکومت کا کام ہو اور اس میں جب کارکن شامل ہو جاتا ہے تو کام او کارکن وہ ایک ایسی طاقت ہے جو کرشمہ کرتی ہے۔کئی ریاستوں میں ہمارے سینکڑوں کارکنوں کا سیاسی نظریات کی وجہ سے قتل ہوا ہے،ہمارے ملک میں سیاسی چھواچھوت دنوں دن بڑھتی جا رہی ہے۔پی ایم مودی نے کہاکہ آج ملک کے سیاسی کینوس پر ایمانداری سے رگ رگ میں جمہوریت کو جینے والی کوئی پارٹی ہے، تو وہ بی جے پی ہے،ہم حکومت میں آتے ہیں تب بھی جمہوریت کی سب سے زیادہ پرواہ کرتے ہیں،ہم جمہوریت میں یقین رکھنے والے لوگ ہیں۔جہاں جہاں ہمیں موقع ملا ہے، وہاں اپوزیشن کی آواز کو اہمیت دی ہے، عوام کے عدم اعتماد کی وجہ سے ان کی تعداد چاہے کم ہی کیوں نہ ہو۔