بنگلور27جولائی (ایس او نیوز/ آئی این ایس انڈیا) کرناٹک میں اقتدار میں آنے کے ایک دن بعد ہی بی جے پی اسمبلی کے صدر کے آر رمیش کمار کے خلاف عدم اعتماد تجویزلانے پر غور کر رہی ہے۔ پارٹی ذرائع نے کہا کہ اگر وہ اپنی مرضی سے استعفیٰ نہیں دیتے، تو پارٹی یہ قدم اٹھا سکتی ہے۔ انہوں نے بتایا کہ کمار کو کرسی چھوڑنے کے لئے حکومت کی طرف سے صاف پیغام دے دیا گیا ہے، جس پر روایتی طور پر حکمراں پارٹی کے رکن فائز ہوتے رہے ہیں۔ حکمران بی جے پی کے ایک رکن اسمبلی نے نام نہ ظاہر کرنے کی شرط پر کہا کہ:’اگر وہ خود استعفیٰ نہیں دیتے ہیں تو ہم صدر کے خلاف  عدم اعتماد کی تحریک لائیں گے۔ممبر اسمبلی نے کہا کہ:’ہمارا پہلا ایجنڈا تحریک اعتماد کی تجویزکو جیتنا ہے اور پیر کو فنائنس بل منظور کرانا ہے، ہم انتظار کریں گے اور دیکھیں گے کہ اسمبلی اسپیکر از خود رضاکارانہ طور پر استعفیٰ دیتے ہیں یا نہیں۔ رکن اسمبلی نے پوچھا کہ اپوزیشن پارٹی سے کوئی صدر کیسے ہو سکتا ہے۔ انہوں نے کہا کہ:’ ایک بار جب ہم ایوان کا اعتماد جیت لیتے ہیں، تو اس کے بعد ہم عدم اعتماد کی تجویزلانے پر کام کریں گے۔