کولکاتہ، 19 جنوری (آئی این ایس انڈیا) وزیرا علیٰ ممتا بنرجی نے آج بی جے پی کو ماؤنوازوں سے زیادہ خطرناک اورسماج اور معاشرہ کیلئے زہریلا سانپ قرار دیتے ہوئے عوام سے اپیل کی بی جے پی کو مسترد کردیں  پرولیا میں عوامی جلسے خطاب کرتے ہوئے ممتا بنرجی نے کہا کہ بی جے پی ماؤنوازوں سے زیادہ خطرناک ہے اور زہریلا سانپ ہے جو اپنے کو ختم کرنیسے قبل راستے میں آنے سے قبل تمام چیزوں کو نقصان پہنچائے گا۔ممتا بنرجی نے کہا کہ پرولیا ریاست کے ان ضلع میں سے ایک ہے جہاں بنگالی زبان کی تحریک شروع ہوئی تھی۔انہوں نے کہا کہ پرولیا کے عوام کبھی بھی بیرونی طاقتوں کو قبول نہیں کریں گے۔ممتا بنرجی نے کہا کہ بی جے پی بنگالی تہذیب و تمدن اور کلچر کوختم کردینے کے فراق میں ہے۔

خیال رہے کہ ایک دن قبل ہی ممتا بنرجی نے نندی گرام سے اسمبلی انتخابات لڑنے کا اعلان کیا ہے۔یہاں سے ترنمول کانگریس چھوڑ کر بی جے پی میں شامل ہونے والی شوبھندو ادھیکاری ممبر اسمبلی تھے۔جنہوں نے بی جے پی میں شامل ہونے سے قبل استعفیٰ دیدیا تھا۔ممتا بنرجی نے بی جے پی کی تنقید کرتیہوئے کہا کہ اسٹیج پر آکر دیکھ لیں کہ ہمارے جلسوں میں عوام آتے ہیں یا نہیں۔

بی جے پی لیڈر تتاگت رائے کا نام لئے بغیر انہوں نے کہا کہ بی جے پی نے ایک نوجوان اداکارہ سیوونی گھوش کو زبان بند کرنے کی دھمکی دی ہے۔بی جے پی دہلی اور یوپی میں یہی کام کرتی ہے۔لیکن یہ بنگال ہے اگر وہ بنگال میں ہماری ثقافتی شخصیات کو دھمکی دینے کی کوشش کریں گے تو ہم ان پر منہ پر تالا لگادیں گے اور ان کے ہونٹ کو سی دیں گے۔