بی جے پی رکن اسمبلی تنمے گھوش نے بھی چھوڑا پارٹی کا ساتھ، ترنمول کانگریس میں شامل

Source: S.O. News Service | Published on 31st August 2021, 12:43 AM | ملکی خبریں | ان خبروں کو پڑھنا مت بھولئے |

کولکاتا،31؍اگست (ایس او نیوز؍ایجنسی) مغربی بنگال اسمبلی انتخابات میں شکست کے بعد بی جے پی کو ریاست میں یکے بعد دیگرے کئی جھٹکوں کا سامنا کرنا پڑا، اور یہ سلسلہ ہنوز جاری ہے۔ بنگال میں ممتا بنرجی حکومت بہ آسانی تشکیل پانے کے بعد بی جے پی کے کئی اہم لیڈران ترنمول کانگریس میں شامل ہو چکے ہیں اور ان میں بیشتر وہ ہیں جو اسمبلی انتخابات سے قبل ترنمول چھوڑ کر بی جے پی میں شامل ہوئے تھے۔ تازہ ترین خبروں کے مطابق بشنو پور سے بی جے پی رکن اسمبلی تنمے گھوش نے بھی پارٹی کا ساتھ چھوڑ دیا ہے اور ترنمول کانگریس میں شمولیت اختیار کر لی ہے۔ تنمے بھی پہلے ترنمول میں ہی تھے اور اسمبلی انتخابات سے قبل مارچ مہینے میں بی جے پی کا دامن تھام لیا تھا۔ اب ان کی ترنمول میں گھر واپسی ہوئی ہے۔

تنمے گھوش نے ترنمول میں شمولیت حاصل کرنے کے بعد بی جے پی پر کئی طرح کے الزامات عائد کیے اور کہا کہ پارٹی ’بدلے کی سیاست‘ کرتی ہے جسے وہ قطعی پسند نہیں کرتے۔ انھوں نے ساتھ ہی یہ بھی کہا کہ بی جے پی مرکزی ایجنسیوں کا استعمال کر کے بنگال کے لوگوں کے اختیارات چھیننے کی کوشش کر رہی ہے اور اس کے خلاف سبھی کو مل کر آواز اٹھانی چاہیے۔ اپنے بیان میں تنمے گھوش نے کہا کہ ’’میں سبھی سیاسی لیڈروں سے گزارش کرتا ہوں کہ عوامی فلاح کے لیے وزیر اعلیٰ ممتا بنرجی کی حمایت کریں۔‘‘

اس درمیان ترنمول کانگریس نے اپنے آفیشیل ٹوئٹر ہینڈل سے ایک ٹوئٹ کیا ہے جس میں لکھا ہے کہ ’’ممتا بنرجی کے ترقیاتی کاموں سے متاثر ہو کر بشنو پور سے رکن اسمبلی تنمے گھوش ترنمول فیملی میں شامل ہو گئے۔ ہم ان کا پرخلوص استقبال کرتے ہیں۔‘‘ علاوہ ازیں تنمے کا پارٹی میں استقبال کرتے ہوئے ریاست کے وزیر تعلیم براتیہ بسو نے کہا کہ ’’بی جے پی الیکشن کے بعد ٹی ایم سی سے بدلہ لینے کی کوشش کر رہی ہے۔ ہم بی جے پی سے سیاسی طور پر لڑیں گے۔ وہ مغربی بنگال کے لوگوں کو کمتر دکھانے کی کوشش کر رہی ہے۔‘‘ ساتھ ہی براتیہ بسو نے یہ بھی کہا کہ بی جے پی کے کئی لیڈران اس وقت ترنمول کانگریس کے رابطے میں ہیں۔

ایک نظر اس پر بھی

پے ٹی ایم پیمنٹ بینک پر ایک کروڑ روپے جرمانہ

ریزرو بینک آف انڈیا (آر بی آئی) نے پیمنٹ وسیٹلمنٹ سسٹم ایکٹ 2007 کے تحت پے ٹی ایم پیمنٹ بینک پر ایک کروڑ روپے اور سرحد پار پیسے ٹرانسفر کی خدمات فراہم کنندہ ویسٹرن یونین فنانشل سروسز انکارپوریشن پر 2778750 روپے کا جرمانہ عائد کیا ہے۔

کشمیر میں این آئی اے کے چھاپے، مزید چار افراد گرفتار

قومی تحقیقاتی ایجنسی (این آئی اے) نے چھاپوں کا سلسلہ جاری رکھتے ہوئے بدھ کو وادی کشمیر کے چار اضلاع سری نگر، پلوامہ، کولگام اور بارہمولہ میں 11 مقامات پر چھاپے مار کر مزید چار ملزمان کو گرفتار کرنے کا دعویٰ کیا ہے۔

اتراکھنڈ: نینی تال میں پھنسے 500 سیاحوں کو محفوظ نکالا گیا، چار لاشیں برآمد

اتراکھنڈ میں ضلع نینی تال کے آفت زدہ گرمپانی-خیرنا اور کینچی علاقوں میں پھنسے 500 سیاحوں کو بچا لیا گیا ہے جبکہ ملبے سے چار لاشیں نکال لی گئیں۔ کوچی دھام، خیرنا، کاکڑی گھاٹ اور گرم پانی علاقوں میں سڑکیں منقطع ہونے سے یہاں 500 سے زائد سیاح اور مسافر پھنسے ہوئے تھے۔ ڈسٹرکٹ مجسٹریٹ ...

سماج وادی پارٹی اور راجبھر کی سہیل دیو پارٹی کے درمیان اتحاد

 اسمبلی انتخابات سے قبل اترپردیش میں تیزی سے بدلتے سیاسی منظر نامے کے درمیان سال 2017 میں بی جے پی حکومت کا حصہ رہنے والی سہیل دیو سماج پارٹی نے بدھ کو مین اپوزیشن سماج وادی پارٹی کے ساتھ ہاتھ ملا کر بی جے پی کو اقتدار سے بے دخل کرنے کے عزم کا اظہار کیا۔

بی جے پی کو بے دخل کرنے لئے سیکولر پارٹیاں متحد ہوں: شیوپال یادو

 پرگتی شیل سماج پارٹی (لوہیا) کے سربراہ شیوپال یادو نے کہا کہ بی جے پی کو اترپردیش کے اقتدار سے بے دخل کرنے کے لئے یکساں نظریات کی حامل سبھی سیکولر پارٹیوں کو ایک ساتھ آنا ہوگا۔ وہ اس کے لئے سماج وادی پارٹی سمیت کسی بھی پارٹی سے اتحاد کرنے کو تیار ہیں۔

شوپیاں تصادم: ایک مزدور کی ہلاکت میں ملوث ملی ٹنٹ سمیت دو ملی ٹنٹ ہلاک، آپریشن جاری

جنوبی کشمیر کے ضلع شوپیاں کے درگڈ علاقے میں بدھ کی صبح سیکورٹی فورسز اور ملی ٹنٹوں کے درمیان چھڑنے والے مسلح تصادم میں دو ملی ٹنٹ ہلاک ہوئے ہیں جبکہ آپریشن ابھی جاری ہے۔ مہلوک ملی ٹنٹوں میں سے ایک کی شناخت عادل احمد وانی کے بطور کی گئی ہے جو پلوامہ کے لتر علاقے میں ایک غریب ...

اتراکھنڈ: شدید بارش سے اب تک 46 افراد ہلاک، 11 لاپتہ

اتراکھنڈ میں تقریباً 48 گھنٹے ہوئی موسلا دھار بارش اور لینڈ سلائیڈنگ کی زد میں آنے سے اب تک کل 46 افراد ہلاک اور 11 دیگر لاپتہ ہیں۔ اس تباہی میں کل 12 افراد زخمی حالت میں اسپتالوں میں زیر علاج ہیں۔ تباہی میں کل نو عمارتوں کو جزوی یا مکمل طور پر نقصان پہنچا ہے۔

بھٹکل میونسپالٹی کے 21دکانوں کی نیلامی 25اکتوبر کو : خواہش مند تاجر حضرات توجہ دیں

بھٹکل ٹاؤن میونسپالٹی کی ملکیت والے 21پرانے دکانوں کی25اکتوبر کو  دوبارہ نیلامی کی جائے گی ۔ اس سلسلےمیں بھٹکل میونسپالٹی حدود کے عوام الناس کو اطلاع دی گئی ہےکہ وہ متعلقہ دکانیں 12برسوں کی مدت کے لئے کرایہ پر دئیے جائیں گے۔ خواہش مند حضرات متعلقہ  ضروری دستاویزات اور شرائط کے ...

مرکزی حکومت ہر محاذ پر ناکام، گیس سلنڈر، پٹرول -ڈیزل کی بڑھتی قیمتوں پرسچن پائلٹ کامرکز پرحملہ

راجستھان کے سابق نائب وزیر اعلیٰ سچن پائلٹ منگل کو جودھپور کے دورے پر تھے۔ ہوائی راستے سے جودھ پور پہنچنے کے بعد، ہوائی اڈے پر میڈیا سے بات کرتے ہوئے انہوں نے مرکزی حکومت پر حملہ کیا۔

شاہ رُخ خان کے بیٹے آرین خان کی حمایت میں شیوسینالیڈرپہنچے سپریم کورٹ

بالی ووڈ کے سپر اسٹار شاہ رخ خان کے بیٹے سے وابستہ کروز ڈگرس پارٹی کا معاملہ سپریم کورٹ تک پہنچ گیا ہے۔ شیو سینا کے لیڈر کشور تیواری نے سپریم کورٹ میں درخواست پیش کرتے ہوئے آرین خان اور دیگر ملزمان کے بنیادی حقوق کا حوالہ پیش کیا ہے۔