کرناٹک اسمبلی: بی جے پی حکومت کی طرف سے سی اے اے کی حمایت میں قرار داد منظور کرنے کی تیاری

Source: S.O. News Service | Published on 18th February 2020, 10:45 AM | ریاستی خبریں | ملکی خبریں |

بنگلورو،18/فروری(ایس او  نیوز) ریاستی اسمبلی کا اجلاس پیر کے روز گورنر کے خطبہ کے ساتھ شروع ہوا۔ اس اجلاس کے دوران بی جے پی حکومت کی طرف سے شہریت قانون کی حمایت میں قرار داد منظور کرنے کے لئے سرکاری حلقوں میں تیاریاں شروع ہو چکی ہیں۔ ریاستی حکومت کے اعلیٰ ذرائع کے مطابق ریاستی حکومت کی طرف سے اسمبلی میں یہ قرار داد 2اور 3مارچ کو اسمبلی میں آئین پر ہونے والی خصوصی بحث کے اختتامی مرحلے میں پیش کرنے کی تیاری کی جا رہی ہے۔ حالانکہ یہ یقینی ہے کہ اپوزیشن کانگریس اور جے ڈی ایس کی طرف سے اس کی شدید مخالفت کی جائے گی لیکن اکثریت کے بل پر حکومت اسمبلی میں ایسی قرار دا د منظور کروانے کی تیار ی میں لگ گئی ہے۔ اس سے پہلے گجرات اسمبلی میں جنوری کے دوران شہریت قانو ن کی حمایت میں قرار داد منظور کی جا چکی ہے اور شہریت قانو ن لانے کے لئے وہاں کی اسمبلی نے وزیر اعظم مودی اور وزیر داخلہ امیت شاہ کو مبارکباد پیش کی جبکہ دیگر ریاستوں کیرلا، راجستھان، پنجاب، مدھیہ پردیش اور مغربی بنگال نے شہریت قانو ن کے خلاف قرار دادیں منظور کی ہیں ان کے ساتھ اب تلنگانہ حکومت نے بھی سی اے اے کے خلاف قرار داد منظور کرنے کا فیصلہ کیا ہے۔ ایسے میں جنوبی ہند سے مرکزی حکومت کی حمایت کے لئے کرناٹک سے سی اے اے کی حمایت میں قرارداد منظور کی جائے اس کے لئے ریاستی بی جے پی قیادت کی طر ف سے پہل کی گئی ہے۔حالانکہ بعض حلقوں میں یہ اندیشہ ظاہر کیا جار ہا تھا کہ لیجس لیچر کے مشترکہ اجلاس سے گورنر واجو بھائی والا کے خطاب میں سی اے اے کا تذکرہ شامل رہے گا۔ اسی خدشہ کو بنیاد بنا کر گورنر کے خطبہ میں حکومت نے سی اے اے کا تذکرہ شامل نہیں کیا۔ اب جبکہ لیجس لیچر اجلاس کے دوسرے حصہ میں آئین پر بحث ہو گی حکومت اسی بحث کے مرحلے میں شہریت قانون کی بی جے پی اراکین کی طرف سے پرزور حمایت کی جائے گی اور اسی دوران اسمبلی میں قرارداد منظور کرالی جائے گی۔ذرائع نے بتایا کہ دراصل اسمبلی میں غیر متوقع طور پر آئین کے متعلق دو روزہ بحث کرانے کا فیصلہ بھی اسی منصوبے کے تحت لیا گیا ہے کہ اس بحث کا اختتام شہریت قانون کی حمایت کے اعلان کے ساتھ ہو۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...