’بی جے پی دہلی میں ڈینگی پھیلانے کی سازش کر رہی‘، عآپ کا سنگین الزام

Source: S.O. News Service | Published on 26th October 2021, 11:39 PM | ملکی خبریں |

نئی دہلی،26؍اکتوبر(ایس او نیوز؍ایجنسی) عام آدمی پارٹی (عآپ) نے بھارتیہ جنتا پارٹی (بی جے پی) پر دہلی میں ڈینگی پھیلانے کی سازش رچنے کا الزام لگایا ہے اور کہا ہے کہ یہی وجہ ہے کہ دہلی میونسپل کارپوریشن (ایم سی ڈی) نے ڈینگی کی روک تھام کے لئے کوئی قدم اٹھایا ہے۔ آپ 27 اکتوبر سے فوگنگ مہم شروع کرے گی۔ پارٹی کے تمام 62 اراکین اسمبلی اور کونسلر دہلی کو ڈینگی سے بچائیں گے۔

عآپ کے چیف ترجمان سوربھ بھاردواج نے کہا کہ ایم سی ڈی نے ڈینگی کی روک تھام کے لئے کوئی قدم نہیں اٹھایا ہے۔ بی جے پی دہلی میں ڈینگی پھیلانے کی سازش کر رہی ہے۔ دہلی میں پانچ سے سات فیصد علاقے میں فوگنگ کی گئی ہے۔ ملیریا کے افسران اور دیگر ذمہ دار افسران ایک بار بھی کسی کے گھر نہیں گئے۔ تمام وارڈز کے ہر محلے اور گلی کی ذمہ داری پارٹی کے ورکر لیں گے اور فوگنگ کریں گے۔

پارٹی کے چیف ترجمان اور رکن اسمبلی سوربھ بھردواج نے منگل کو یہاں پارٹی ہیڈکوارٹر میں ایک پریس کانفرنس میں کہا کہ دہلی کے لوگ کارپوریشن کے صفائی ستھرائی کے نظام سے پوری طرح ناراض ہیں۔ گزشتہ چند دنوں میں ایم سی ڈی نے ڈینگی کی روک تھام کے لیے کوئی قدم نہیں اٹھایا ہے۔ جس طریقے کی لاپرواہی دہلی کے اندر کارپوریشن کی نظر آ رہی ہے، اس سے ایسا لگ رہا ہے کہ بی جے پی دہلی کے لوگوں میں ڈینگی پھیلانے کی سازش کر رہی ہے۔

ملیریا انسپکٹر، بریڈنگ چیکر کا کام ہے کہ وہ آپ کے گھر آئیں اور سروے کریں کہ بریڈنگ ہو رہی ہے یا نہیں۔ اس کے علاوہ اگر کہیں پر پانی بھرا ہوا ہے تو اس کو نکالیں اور دوائی ڈالیں۔ گھر کی باہر کی دیوار پر تاریخ ڈال کر نشان لگائیں کہ اسے چیک کیا گیا ہے اور یہاں سب کچھ ٹھیک پایا گیا ہے۔ انہوں نے کہا کہ اس سیزن میں ہر سال ملیریا، ڈینگی، چکن گنیا پھیلنے کا خطرہ رہتا ہے۔ دہلی کے لوگ بتائیں کہ گزشتہ تین مہینوں میں کارپوریشن کے ملیریا ڈیپارٹمنٹ کے افسران اور ملازمین آپ کے گھر کتنی مرتبہ آئے ہیں جبکہ اب تک کم از کم 10 بار آنے چاہیے تھے۔ اس بات کو چیلنج کرکے کہا رہا ہوں کہ ملیریا حکام اور دیگر ذمہ دارافسران ایک بار بھی کسی کے گھر نہیں گئے ہیں۔ اس کے علاوہ دوائی کا چھڑکاؤ نہیں کیا گیا اور نہ ہی بریڈنگ چیک کی گئی ہے۔ اس کے علاوہ نالیوں میں دوائی نہیں ڈالی گئی ہے۔

ایک نظر اس پر بھی

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

اب وزیر اعلیٰ پینارائی وجین کی بیٹی کے خلاف ای ڈی نے درج کیا مقدمہ، جلد پوچھ تاچھ کا امکان

ایک طرف لوک سبھا انتخاب کی سرگرمیاں جاری ہیں، اور دوسری طرف مرکزی تفتیشی ایجنسیوں کے ذریعہ اپوزیشن لیڈران و ان کے رشتہ داروں کو بھیجے جانے والے سمن و پوچھ تاچھ سرخیاں بن رہی ہیں۔ ابھی دہلی کے وزیر اعلیٰ اروند کیجریوال کی گرفتاری پر ہنگامہ جاری ہے اور کے. کویتا بھی حراست میں ...

لوک سبھا انتخاب 2024: کانگریس نے امیدواروں کی آٹھویں فہرست جاری کی، 14 امیدواروں کے نام شامل

کانگریس نےلوک سبھا انتخاب کے پیش نظر اپنے امیدواروں کی آٹھویں فہرست جاری کر دی۔ اس فہرست میں کانگریس نے 14 امیدواروں کا اعلان کیا ہے جن کا تعلق اتر پردیش، تلنگانہ، مدھیہ پردیش اور جھارکھنڈ سے ہے۔ فہرست کے مطابق اتر پردیش و تلنگانہ کی 4-4 اور مدھیہ پردیش و جھارکھنڈ کی 3-3 لوک سبھا ...

پنجاب: ’بی جے پی میں شمولیت کے لیے پیسے کی پیشکش کی گئی‘، عآپ کے 3 اراکین اسمبلی کا دعویٰ

نجاب سے عام آدمی پارٹی (عآپ) کے تین اراکین اسمبلی نے بدھ کے روز دعویٰ کیا کہ انھیں بی جے پی میں شامل ہونے کے لیے پیسے دینے کی پیشکش کی گئی تھی۔ پنجاب سے عآپ کے واحد لوک سبھا رکن اور ایک رکن اسمبلی نے بدھ کے روز بی جے پی میں شمولیت اختیار کر لی، اس کے بعد عآپ کے ان تین اراکین ...