وجیندرا کا حلقہ انتخاب۔ ہائی کمان کا فیصلہ حتمی:سابق وزیر اعلیٰ ایڈی یورپا
بنگلورو، 25؍ جولائی (ایس او نیوز) سابق ریاستی وزیر اعلیٰ بی ایس ایڈی یورپا نے واضح کیا ہے کہ شکاری پور اسمبلی حلقہ سے وجیندرا کے مقابلہ کے سلسلہ میں پارٹی ہائی کمان کا فیصلہ ہی حتمی ہوگا۔
یہاں اخباری نمائندوں سے بات کرتے ہوئے ایڈی ویرپا نے کہاکہ شکاری پور حلقہ کے عوام کے دباؤ کے تحت حلقہ بی وائی وجیندرا کے لئے چھوڑنے کا بیان جاری کیا تھا لیکن اس سلسلہ میں ہائی کمان کا فیصلہ ہی حتمی مانا جائے گا۔ انہوں نے کہاکہ وجیندرا میں یہ صلاحیت موجود ہے کہ اولڈ میسورو سمیت ریاست کے کسی بھی حلقہ سے مقابلہ کرکے جیت حاصل کرسکیں لیکن وزیراعظم نریندر مودی امیت شاہ اور پارٹی کے قومی صدر جے پی نڈا کے فیصلہ پر پابند رہیں گے۔
انہوں نے بتایاکہ ان کے اگلے انتخابات لڑنے کا مطالبہ کیا جس پر یہ وضاحت کی گئی کہ وجیندرا کو اس حلقہ سے انتخاب لڑایا جائے گا۔ انہوں نے کہاکہ اس سلسلہ میں انہوں نے صرف صلاح دی ہے کہ لیکن وجیندرا کو کس حلقہ سے لڑنا اس کا فیصلہ پارٹی ہائی کمان کرے گا۔