بی جے پی نے آج تک کسی خاتون کو پارٹی صدر تک نہیں بنایا: اشوک گہلوت

Source: S.O. News Service | Published on 20th October 2021, 11:49 AM | ملکی خبریں |

جئے پور، 20؍اکتوبر (ایس او نیوز؍ایجنسی) اترپردیش اسمبلی انتخاب کے پیش نظر کانگریس جنرل سکریٹری پرینکا گاندھی نے 40 فیصد ٹکٹ خواتین کے لیے مختص کرنے کا جو اعلان کیا ہے، اس کے بعد دیگر پارٹیوں میں کھلبلی مچی ہوئی ہے۔ اس فیصلہ کے بعد اتر پردیش اسمبلی انتخاب میں کانگریس ایک مضبوط پارٹی کی شکل میں دیکھی جا رہی ہے۔ پرینکا گاندھی کے اعلان پر کانگریس کے کئی سینئر لیڈران کا رد عمل بھی سامنے آیا ہے۔ راجستھان کے وزیر اعلیٰ اشوک گہلوت نے اس فیصلے کا استقبال کیا ہے اور ساتھ ہی بی جے پی پر طنزیہ انداز میں حملہ بھی کیا ہے۔

اشوک گہلوت نے اپنے ایک بیان میں کہا ہے کہ ’’یو پی میں 40 فیصد ٹکٹ خواتین کو دینے کا پرینکا گاندھی کا فیصلہ قابل تحسین ہے۔ کانگریس نے ملک کو خاتون صدر جمہوریہ اور خاتون وزیر اعظم دیا ہے، لیکن بی جے پی نے آج تک کسی خاتون کو پارٹی کا صدر تک نہیں بنایا۔‘‘ گہلوت نے دعویٰ کیا کہ خواتین کی خودمختاری ملک کی سب سے پرانی پارٹی کا ایجنڈا رہا ہے۔ گہلوت نے یہ بھی دعویٰ کیا کہ بی جے پی کے خاتون مخالف نظریہ کے سبب ہی یو پی میں خواتین غیر محفوظ ہیں۔

وزیر اعلیٰ گہلوت نے یہ بھی کہا کہ ’’کانگریس صدر سونیا گاندھی پارلیمنٹ میں خواتین کو 33 فیصد ریزرویشن دلانے کی سمت میں کوشش کر رہی ہیں۔ یہ بی جے پی کے خاتون مخالف نظریہ کا ہی نتیجہ ہے کہ یو پی میں خواتین غیر محفوظ ہیں، لیکن ریاست میں خواتین کی خود مختاری کے ذریعہ کانگریس آنے والے دنوں میں بی جے پی کی اس بدانتظامی کو ختم کرے گی۔‘‘

واضح رہے کہ اتر پردیش میں آئندہ سال فروری-مارچ میں اسمبلی انتخاب کرائے جانے کے امکانات ہیں۔ 2017 کے اسمبلی انتخاب میں بی جے پی نے 403 میں سے 312 سیٹوں پر جیت حاصل کی تھی۔ سماجوادی پارٹی اور کانگریس نے ساتھ مل کر انتخاب لڑا تھا۔ سماجوادی پارٹی نے 47 اور کانگریس نے 7 سیٹیں حاصل کی تھیں۔ مایاوتی کی سربراہی والی پارٹی بی ایس پی 19 سیٹیں جیتنے میں کامیاب رہی تھی۔

ایک نظر اس پر بھی

’بی جے پی کے لیے ریڈ الرٹ ہے مہنگائی‘، پی ایم مودی کے ’لال ٹوپی‘ والے بیان پر اکھلیش کا جوابی حملہ

 سماجو ادی پارٹی (ایس پی) سربراہ اکھلیش یادو نے ایس پی کی ’لال ٹوپی‘ کو اترپردیش کے لئے خطرے کی گھنٹی (ریڈ الرٹ) بتانے والے وزیر اعظم نریندر مودی کے بیان پر جوابی حملہ کرتے ہوئے منگل کو کہا کہ بی جے پی کے لئے مہنگائی اور بے روزگاری ’ریڈ الرٹ‘ ہے۔

اومیکرون گائیڈلائن: ’ایئر سووِدھا پورٹل‘ نے 2.5 لاکھ سے زیادہ بین الاقوامی مسافروں کی مدد کی

 کورونا وائرس کی نئی شکل اومیکرون کے ابھرتے بحران کے پیش نظر حکومت نے بین الاقوامی مسافروں کے لئے ہوائی جہاز میں سوار ہونے سے پہلے ان کی صحت کی حالت کی رپورٹ اور ساتھ میں کچھ دیگر کاغذات 'ایئر سوودھا' پورٹل پلیٹنگ کو لازمی کر دیا ہے۔

بھیما کوریگاؤں کیس: سپریم کورٹ سے سدھا بھاردواج کو بڑی راحت ؛ ضمانت کو چیلنج کرنے والی این آئی اے کی عرضی خارج

 بھیما کوریگاؤں کیس میں کارکن سدھا بھاردواج کو بڑی راحت ملی ہے۔ سپریم کورٹ نے ان کی ضمانت کو برقرار رکھتے ہوئے سدھا بھاردواج کی ضمانت کے خلاف این آئی اے کی عرضی کو خارج کر دیا ہے اور پہلے سے طے شدہ ضمانت دینے کے بامبے ہائی کورٹ کے فیصلے کو برقرار رکھا ہے۔اس کے ساتھ ہی سودھا کی 8 ...

مظفرنگر: پریکٹیکل کے بہانے نشہ دے کر 17 لڑکیوں سے ریپ کی کوشش! دو اسکول مینیجروں کے خلاف مقدمہ درج

ضلع مظفرنگر کے قصبہ پورقاضی دو نجی اسکولوں کے مینیجروں پر 17 لڑکیوں کو مبینہ طور پر نشیلی چیز کھلا کر جنسی ہراسانی کا نشانہ بنانے اور آبروریزی کی کوشش کرنے کا الزام عائد ہوا ہے۔ میڈیا رپورٹ کے مطابق پولیس نے اس معاملہ میں دونوں ملزمان کے خلاف مقدمہ درج کر لیا ہے۔ اسی کے ساتھ ...