سرمایہ کاروں کو فائدہ پہنچانے کے لئے بی جے پی حکومت زراعت مخالف قوانین کو رد نہیں کر رہی: کماری شیلجا

Source: S.O. News Service | Published on 24th January 2021, 1:00 PM | ملکی خبریں |

چنڈی گڑھ،24؍جنوری(ایس او نیوز؍یو این آئی)  ہریانہ کانگریس صدر کماری شیلجا نے کہا ہے کہ ریاست کی بی جے پی-جے جے پی مخلوط حکومت ہرمحاذ پر ناکام ہونے سے عوام کا اعتماد کھو چکی ہے۔ اسی لئے اس کے وزراء کو عوام کی مخالفت کا سامنا کرنا پڑ رہا ہے۔ وزراء کی لوگوں کے سامنے جانے کی ہمت نہیں ہو رہی ہے۔ یوم جمہوریہ پورا ملک پورے جوش و خروش کے ساتھ مناتا ہے۔ کسان ٹریکٹر مارچ نکال کر یوم جمہوریہ منانا چاہتے ہیں، یہ کسانوں کا حق ہے۔ ہم امید کرتے ہیں کہ حکومت اس میں پورا تعاون کرے گی۔

کماری شیلجا ہفتہ کو نیتاجی سبھاش چندر بوس کی یوم پیدائش کے موقع پر حصار کے کیمپ چوک پر واقع ان کے مجسمہ پر پھول چڑھانے پہنچی تھیں۔ اس کے بعد کماری شیلجا حصار کے راماین ٹول پلازہ اور چرخی دادری کے کتنالا ٹول پلازہ پر زرعی قوانین کے خلاف تحریک چلا رہے کسانوں کو اپنی حمایت دینے پہنچیں۔

کماری شیلجا نے کہا کہ آزادی کے وقت بیرونی حکومتوں سے جنگ کی گئی تھی اور آج کے دن کسان ایک نئی تحریک چھیڑے ہوئے ہیں۔ اس تحریک کا آغاز بی جے پی حکومت نے کرایا ہے۔ اپنے حقوق کے لئے اس شدید ٹھنڈ میں ہمارے کسان اور مزدور سڑکوں پر بیٹھنے کے لئے مجبور ہیں۔

انہوں نے مزید کہا کہ کچھ چنندہ سرمایہ کاروں کو فائدہ پہنچانے کے سبب بی جے پی حکومت زراعت مخالف سیاہ قوانین کو رد نہیں کرنا چاہتی ہے۔ سرمایہ کاروں کے مفاد کے آگے بی جے پی حکومت کو کچھ بھی نظر نہیں آ رہا ہے۔ یہ انتہائی افسوس کی بات ہے کہ آج ملک کے کسانوں کو سڑکوں پر اتر کر اپنے مفادات کی لڑائی لڑنی پڑ رہی ہے۔ کماری شیلجا نے کہا کہ کسانوں کی اس جدوجہد میں کانگریس پارٹی مضبوطی سے ان کے ساتھ کھڑی ہے۔

ایک نظر اس پر بھی

کسانوں کو ہراساں کرکے اقتدار میں ٹکنا مشکل:اکھلیش یادو

حکومت کا جو کسانوں کے ساتھ رویہ ہےاس کو لے کر غصہ بڑھتا جارہا ہے۔ سماج وادی پارٹی کے صدر اکھلیش یادونے اس تعلق سے کہا ہےکہ مرکز کی بھارتیہ جنتا پارٹی (بی جے پی) حکومت کو یہ سمجھ لینا چاہئے کہ کسانوں کو ہراساں کرکے کوئی اقتدار میں نہیں ٹک سکتا۔

ممتا بنرجی نندی گرام سے انتخاب لڑیں گی، 42 مسلم امیدواروں کو ٹکٹ دیا

مغربی بنگال اسمبلی انتخابات کے لئے امیدواروں کے ناموں کا اعلان کرتے ہوئے ، وزیر اعلی ممتا بنرجی نےاعلان کیا کہ وہ اپنی روایتی اسمبلی حلقے سے انتخاب نہیں لڑیں گی بلکہ نندی گرام سے انتخاب لڑیں گی اور بھوانی پور سے ریاستی وزیر برقیات شوبھن دیب چٹرجی انتخاب لڑیں گے-

ملاپورم لوک سبھا ضمنی الیکشن: ڈاکٹر تسلیم احمد رحمانی ایس ڈی پی آئی امیدوار

سوشیل ڈیموکریٹک پارٹی آف انڈیا  (ایس ڈی پی آئی) کے قومی جنرل سکریٹری الیاس محمد تمبے نے ملاپورم میں  منعقدہ ایک پریس کانفرنس میں اعلان کیا کہ ایس ڈی پی آئی قومی سکریٹری ڈاکٹر تسلیم احمد رحمانی ملاپورم لوک سبھا حلقہ سے الیکشن لڑیں گے۔

بنگال انتخابات: 42 مسلمانوں سمیت ٹی ایم سی کی 291 امیدواروں کی فہرست جاری

مغربی بنگال اسمبلی انتخابات کے لئے امیدواروں کے نام کا اعلان کرتے ہوئے وزیر اعلی ممتا بنرجی نے جمعہ کے روز اعلان کیا کہ وہ اپنے روایتی اسمبلی حلقے سے انتخاب نہیں لڑیں گی بلکہ نندی گرام سے انتخاب لڑیں گی اور بھوانی پور سے ریاستی وزیر شوبھن دیب چٹوپادھیائے انتخاب لڑیں گے۔