ہلدوانی بس اڈا تعمیر معاملہ میں پھنسی بی جے پی حکومت، ہائی کورٹ نے کیا جواب طلب

Source: S.O. News Service | Published on 16th October 2020, 11:32 PM | ملکی خبریں |

نینی تال،16؍اکتوبر(ایس او نیوز؍ایجنسی) اتراکھنڈ کے ہلدوانی میں بین ریاستی بس اڈے کی تعمیر کے معاملے میں ریاستی حکومت بری طرح پھنس گئی ہے۔ ہائی کورٹ کی جانب سے ریاستی حکومت کو آخری موقع دیتے ہوئے بس اڈے کو گولا پار سے دوسری جگہوں پر منتقل کرنے کے معاملے میں جواب دینے کو کہا ہے۔ عدالت نے حکومت سے پوچھا ہے کہ وہ تین ہفتوں کے دوران بتائے کہ گولا پار سے بس اڈہ منتقل کرنے کے لئے کون سے اسباب موجود ہیں۔

ہلدوانی کے گولا پار کے روی شنکر جوشی کی جانب سے جمعہ کو دائر مفاد عامہ کی عرضی پر قائم مقام چیف جسٹس روی کمار ملیمتھ اور جسٹس رویندر پیٹھانی کی ڈبلز بنچ میں سماعت ہوئی۔ عرضی گزار کی جانب سے کہا گیا کہ حکومت نے گولا پار میں بنائے جانے والے بین ریاستی بس اڈے کو بغیر کسی مناسب وجہ کے ہلدوانی کے تین پانی علاقے میں منتقل کرنے کا فیصلہ کیا ہے۔

عرضی گزار کی جانب سے یہ بھی کہا گیا ہے کہ ابھی تک حکومت گولا پار میں بنائے جانے والے بس اڈے پر 11 کروڑ روپے خرچ کرچکی ہے جبکہ اس کے لئے تقریباً 2625 درختوں کو کاٹا جاچکا ہے۔ عرضی گزار کی جانب سے آگے کہا گیا کہ کس برس 10۔2009 کو ریاستی حکومت کی جانب سے نئے بس اڈے کی تعمیر کے لئے ہلدوانی میں سروے کا کام شروع کیا گیا۔

سروے ٹیم میں محکمہ جنگلات، ٹرانسپورٹ کے محکمے اور محصولات کے ملازمین شامل تھے۔ سروے ٹیم نے پایا کہ گولا پار کے روکھڑ علاقے میں موجود محکمہ جنگلات کی آٹھ ہیکٹیئر زمین نئے بس اڈے کی تعمیر کے لئے مناسب ہے۔ ٹیم نے یہ بھی پایا کہ زمین پر کسی طرح کی رکاوٹ نہیں ہے۔ اس کے بعد جنگلات کی مرکزی وزارت سے اجازت طلب کی گئی۔

عرضی گزار نے الزام لگایا کہ حکومت بس اڈے کو منتقل کرنے کے معاملے میں کوئی مناسب سبب نہیں بتا رہی ہے۔ عرضی گزار کے وکیل راجیو سنگھ بشٹ نے بتایا کہ عدالت نے حکومت کو آخری موقع دیتے ہوئئے کہا کہ حکومت تین ہفتوں میں یہ بتائے کہ بین ریاستی بس اڈے کو منتقل کرنے کی کیا وجوہات تھیں۔

ایک نظر اس پر بھی

'ریپبلک ٹی وی' کے ادارتی عملہ کے خلاف ایف آئی آر، ممبئی پولس کو بدنام کرنے کا الزام

ممبئی پولس نے آج ریپبلک ٹی وی کے متعدد ادارتی عملے کے خلاف محکمہ پولس کی بدنامی اور اشتعال انگیزی کے الزامات کے تحت ایف آئی آر درج کی ہے۔ این ایم جوشی مارگ پولس اسٹیشن میں ممبئی سی آئی ڈی کے اسپیشل برانچ میں تعنیات پولس سب انسپکٹر ششکانت پوار کی شکایت پر ایف آئی آر درج کی گئی ہے۔

لاک ڈاؤن کے دوران مودی اور نتیش نے مہاجر مزدوروں کو بے سہارا چھوڑ دیا: راہل گاندھی

راہل گاندھی نے جمعہ کے روز سے بہار انتخابات کے لئے تشہیر کا آغاز کر دیا۔ تیجسوی یادو کے ساتھ نوادا میں مشترکہ ریلی سے خطاب کرتے ہوئے انہوں نے وزیر اعظم مودی اور بہار کے وزیر اعلیٰ نتیش کمار پر زبردست حملہ بولا۔

پاکستان سے لوٹی گیتا کو خودکفیل بنانے کی کوششیں جاری

 پاکستان سے ہندوستان لائی گئی قوت گویائی سے محروم لڑکی گیتا کو مدھیہ پردیش کے اندور میں پانچ سالوں تک ادارہ جاتی بازآبادکاری میں رکھنے کے بعد اب اسے یہیں معاشی طور سے خودکفیل اور معاشرتی بحالی کی جانب لے جانے کی کوشش شروع کردی گئی ہے۔