بنگلورو یکم جنوری (ایس او نیوز)عام آدمی پارٹی (عاپ) کے سینئر رہنماوسابق رکن اسمبلی ایچ ڈی بسواراجو نے الزام لگایا ہے کہ بی جے پی کارکنوں نے پولیس کی موجودگی میں ہی عاپ کارکنوں پرحملہ کیا ہے -

یہاں پریس کلب میں طلب کردہ اخباری کانفرنس سے خطاب کرتے ہوئے بسواراجو نے یہ الزام لگایا اور بتایا کہ بی جے پی رکن اسمبلی کی جانب سے دلتوں کے ساتھ ناانصافی کا الزام لگاتے ہوئے تپاسندرامین روڈ پر عاپ کارکن احتجاج کررہے تھے اور اس دوران پولیس کے سامنے ہی بی جے پی کارکنوں نے حملہ کیا - انہوں نے کہاکہ بی جے پی رکن اسمبلی ایس رگھوبدعنوانیوں میں ملوث ہیں اورتعمیری کاموں کی تقسیم کے دوران دلتوں کے ساتھ ناانصافی کی ہے اوراس کے خلاف عاپ کی جانب سے احتجاج کیا گیا اورپولیس نے عاپ کے 5 رہنماؤں کو گرفتارکیا -

انہوں نے بتایا کہ اس موقع پر پولیس اسٹیشن آئے رکن اسمبلی کے پرسنل سکریٹری انی کرشنن اور دیگر بی جے پی کارکنوں نے پولیس اہلکاروں کے سامنے ہی ان پرحملہ کیا انہوں نے بتایا کہ بی جے پی کارکنوں کی غنڈہ گردی پولیس اہلکاروں کے فون پر ہی ریکارڈکی گئی ہے جس کے ذریعہ ملزموں کو جلد گرفتارکیا جاسکتا ہے لیکن اس سلسلہ میں پولیس کی جانب سے کوئی کارروائی نہیں کی گئی ہے -

عاپ کے بنگلور سٹی صدر موہن دارسری نے خطاب کرتے ہوئے کہاکہ اس طرح کے واقعات سے پولیس کے اعتماد کو بھی ٹھیس پہنچتی ہے جس طرح اترپردیش میں عوامی منتخب نمائندے پولیس کا استعمال کرتے ہوئے اس طرز پر ریاست میں بھی آنے والے دنوں میں یہی تجربہ استعمال کیا جاسکتا ہے -اس موقع پر عاپ کے رہنما جگدیش وی سدم، اشوک مرتنجیا، سریش راتھوڑ، اوشاموہن جگدیش بابو ودیگر حاضر رہے -