آتشی کا بی جے پی پر سنسنی خیز الزام ’’ پارٹی میں شامل ہو جاؤ یا جیل جاؤ‘‘

Source: S.O. News Service | Published on 3rd April 2024, 11:47 AM | ملکی خبریں |

نئی دہلی، 3/اپریل (ایس او نیوز /ایجنسی)  دہلی حکومت کی سینئر وزیر آتشی نے یہ سنسنی خیز دعویٰ کیا ہے کہ  انہیں ان کے قریبی شخص کے ذریعے بی جے پی میں شامل ہونے کی پیشکش کی گئی تھی اور یہ دھمکی دی گئی تھی کہ اگر وہ بی جے پی میں شامل نہیں ہوتی ہیں تو انہیں جیل جانے کیلئے تیار رہنا چاہئے۔ آتشی نے یہ سنگین دعویٰ بھی کیا کہ اگلے چند دنوں میں کچھ اور عام آدمی پارٹی  لیڈروں کو گرفتار کیا جائے گا۔ آتشی نے کہا کہ وزیراعظم اور بی جے پی نے اپنا ذہن بنا لیا ہے کہ وہ عام آدمی پارٹی اور اس کے تمام لیڈروں کو کچل کر انہیں ختم کرنا چاہتے ہیں۔

آتشی نے پریس کانفرنس سے خطاب کرتے ہوئے کہا کہ عام آدمی پارٹی کی سینئر قیادت حراست میں ہے لیکن اتوار کو رام لیلا میدان میں لاکھوں لوگوں کی آمد کے بعد اور سڑکوں پر عام آدمی پارٹی کی جدوجہد کے بعد بی جے پی آنے والے وقت میں  چار بڑے لیڈروں کو جیل بھیج سکتی ہے۔ آنے والے دنوں میں میری رہائش گاہ پر ای ڈی کا چھاپہ بھی مارا جائے گا۔ ساتھ ہی میرے عزیز و اقارب کے گھروں پر چھاپے مارے جائیں گے۔ ہم سب کو سمن بھیجے جائیں گے اور پھر ہمیں گرفتار کر لیا جائے گا۔ آتشی نے کہا کہ بی جے پی  اگلے ایک مہینے میں لوک سبھا انتخابات سے پہلے عام آدمی پارٹی کے مزید چار لیڈروں کو گرفتار کرنے کا ارادہ رکھتی ہے۔ انہوں نے کہا ہے کہ وہ مجھے گرفتار کریں گے، سوربھ بھاردواج کو گرفتار کریں گے، درگیش پاٹھک کو گرفتار کریں گے اور راگھو چڈھا کو گرفتار کریں گے۔ ہم سب کو جیل میں ڈالنے کا منصوبہ بنایا جا رہا ہے۔
بی جے پی پر حملہ کرتے ہوئے آتشی نے کہا، آج میں بھارتیہ جنتا پارٹی کو بتانا چاہتی ہوں کہ ہم آپ کی دھمکیوں سے نہیں ڈرتے، ہم کیجریوال کے سپاہی اور بھگت سنگھ کے شاگرد ہیں۔ جب تک عام آدمی پارٹی کے ہر کارکن کی آخری سانس باقی ہے، ہم اروند کیجریوال کی قیادت میں اس ملک کو بچانے کے لئے کام کرتے رہیں گے۔ آپ نے ہر ایم ایل اے اور ہر شخص کو جیل میں ڈال دیا لیکن ان کی جگہ ۱۰؍ اور لوگ اس جنگ کو لڑنے کے لئے آگے آئیں گے۔ ای ڈی کی طرف سے اپنا نام لینے پر آتشی نے کہاکہ یہ بالکل ممکن ہے کیونکہ کل ای ڈی نے سوربھ بھاردواج اور میرا نام ایک بیان کی بنیاد پر عدالت میں پیش کیا جو ڈیڑھ سال سے ای ڈی اور سی بی آئی کے پاس موجود تھا۔ یہ بیان سی بی آئی کی چارج شیٹ میں بھی ہے۔ اسی سے ظاہر ہو رہا ہے کہ بی جےپی کیا کرنا چاہتی ہے۔

ایک نظر اس پر بھی

راجستھان: اس مرتبہ نوجوانوں، خواتین، کسانوں، دلتوں و قبائلیوں کی حکومت بنے گی، الور میں پرینکا گاندھی کا خطاب

کانگریس جنرل سکریٹری پرینکا گاندھی نے پیر کے روز الور لوک سبھا سیٹ سے کانگریس امیدوار للت یادو کی حمایت میں عظیم الشان روڈ شو کیا۔ روڈ شو میں پرینکا کھلی چھت والی گاڑی میں سوار تھیں اور ان کے ساتھ راجستھان کے سابق وزیر اعلیٰ اشوک گہلوت، اسمبلی میں حزب مخالف لیڈر ٹیکارام جولی، ...

میرا نام اروند کیجریوال ہے، میں دہشت گرد نہیں ہوں، جیل کی سلاخوں کے پیچھے سے وزیر اعلیٰ کیجریوال کا جذباتی پیغام

عام آدمی پارٹی کے رکن راجیہ سبھا سنجے سنگھ نے کہا ہے کہ دہلی کے وزیر اعلیٰ نے جیل سے لوگوں کو پیغام بھیجا ہے کہ ’میرا نام اروند کیجریوال ہے، میں دہشت گرد نہیں ہوں۔‘ سنجے سنگھ نے کہا کہ مرکزی حکومت اروند کیجریوال کے ساتھ دہشت گردوں جیسا سلوک کر رہی ہے۔ وزیر اعظم اپنی بدنیتی میں ...

سپریم کورٹ نے امانت اللہ کی پیشگی ضمانت کی درخواست مسترد کردیا

دہلی کے عام آدمی پارٹی کے ایم ایل اے امانت اللہ خان کو پیر (15 اپریل 2024) کو سپریم کورٹ سے بڑا جھٹکا لگا ہے۔ سپریم کورٹ نے وقف بورڈ گھوٹالے سے متعلق معاملے میں امانت اللہ کو ای ڈی کے سامنے پیش ہونے کو کہا ہے۔ سپریم کورٹ نے پیشگی ضمانت کی مانگ کو مسترد کرتے ہوئے کہا کہ اگر ای ڈی کے ...

آر ایس ایس کو ملک کا آئین نہیں بدلنے دے گی کانگریس، کیرالہ میں راہل گاندھی نے چلائی عوامی رابطہ مہم

کانگریس کے سابق صدر اور کیرالہ کے وائناڈ سے لوک سبھا امیدوار راہل گاندھی نے 15 اپریل کو وائناڈ میں عوامی رابطہ مہم چلائی۔ اس مہم کے دوران راہل گاندھی کا جگہ جگہ شاندار استقبال ہوا۔ بیشتر مقامات پر لوگوں کا ہجوم امنڈتا ہوا دکھائی دیا اور کچھ مقامات پر راہل گاندھی رک کر لوگوں سے ...

کانگریس نے انتخابی تشہیر کے لیے جاری کیا ’ہاتھ بدلے گا حالات‘ نغمہ، عوام تک پہنچے گی پارٹی کی گارنٹیاں

 لوک سبھا انتخاب کے پیش نظر کانگریس لیڈران کی ریلیاں اور روڈ شو جاری ہیں۔ اس درمیان کانگریس نے پیر کے روز انتخابی تشہیر کے مقصد سے ’ہاتھ بدلے گا حالات‘ نغمہ جاری کر دیا ہے۔ کانگریس اس نغمہ کے ذریعہ پارٹی کے انتخابی منشور میں شامل ’پانچ نیائے‘ کے تحت دی گئی 25 گارنٹیوں کو ملک ...

اسرائیلی جہاز پر پھنسے 17 ہندوستانیوں سے ہندوستانی افسران کی جلد ہوگی ملاقات، ایران کی یقین دہانی

  ایران و اسرائیل کی کشیدگی کے دوران جہاں ایک جانب ہندوستانی اسٹاک ایکسچنج لڑکھڑا نے لگا ہے تو وہیں ایران کی جانب سے ہندوستان کے لیے ایک راحت کی خبر بھی ہے۔ ایران نے اعلان کیا ہے کہ وہ ہندوستانی افسران کو اسرائیلی مقبوضہ جہاز پر سوار 17 ہندوستانیوں سے ملاقات کی جلد اجازت دے گا۔ ...