ملک میں بی جے پی کی لہر اور جال بالکل نہیں ہے مودی انتظامیہ کارپورٹ کارڈ فیل ہوگیا : دنیش گنڈو راؤ

Source: S.O. News Service | By Shahid Mukhtesar | Published on 21st April 2019, 11:37 AM | ریاستی خبریں |

ہبلی،21؍ اپریل (ایس او  نیوز ) ملک کے کسی بھی علاقہ میں وزیر اعظم نریندر مودی کی کوئی لہر بالکل نہیں ہے ۔مودی لہر کا جھانسہ دے کر عوام کو جال میں پھانسنے کی کوشش بی جے پی کر رہی ہے ۔یہ باتیں کے پی سی سی کے صدر دنیش گنڈو راؤ نے کہی ہیں ۔آ ج ایک اخباری کانفرنس میں انہوں نے کہاکہ پانچ سال تک اقتدار پر رہے نریندر مودی کے انتظامیہ کے نتائج کا رپورٹ کارڈ فیل ہوگیا ہے ۔یہی وجہ ہے کہ وہ اصل مسائل پر گفتگو نہیں کر رہے ہیں۔آج دفعہ 379ہٹانے کی بات کرنے والے مودی نے اپنے اقتدار کے پانچ برسوں میں کیا کیا ہے۔ملک بھر میں بی جے پی کو مکمل طور پر ہزیمت کا سامنا ہے ،اس بات کا اشارہ حال ہی میں پہلے لوک سبھا انتخابات کے پہلے او ردوسرے مرحلہ کی پولنگ سے مل گیا ہے ۔مودی کی لہر بھی نہیں اور بی جے پی کے جھانسہ والا جال بھی نہیں ہے ۔بی جے پی کے حق میں ووٹ نہ ڈالنے والے ملک کے دشمن ہیں ۔یہ بیان دینے والے بی جے پی کے قومی صدر امیت شاہ سے عوام سخت برہم ہیں،انتخابات میں انہیں اچھا سبق سکھائیں گے۔ ملک میں غیر بی جے پی حکومت کاآنا تقریباً طے ہے ۔انہوں نے کہا کہ ریاست میں ہم 16سیٹوں پر اور جے ڈی ایس 4یا 5سیٹوں پر جیت درج کریں گے ۔انہوں نے کہا کہ لنگایت دھرم کا معاملہ اور کانگریس پارٹی کے درمیا ن کوئی لین دین نہیں ہے ،لنگایت دھرم سے کانگریس کا کوئی تعلق نہیں ہے،دھرم میں ٹوٹ پھوٹ ڈالنے کی عادت ہماری نہیں ہے ۔ہماری پارٹی تمام دھرموں کی نمائندگی کرنے والی پارٹی ہے۔رکن پارلیمان رہتے ہوئے پرہلاد جوشی نے آخر اب تک کیا کیا ہے ۔اشتعال انگیز بیانات دیتے ہوئے پُرامن معاشرہ کو آگ میں جھلسانے کا کا م وہ اب تک کرتے رہے ہیں ۔پرہلاد جوشی کے حق میں ووٹ نہ ڈال کر اس مرتبہ کانگریس کے ونئے کلکرنی کو جیت سے ہمکنا ر کریں ،تاکہ یہاں ترقیاتی کام کئے جاسکیں ۔اس موقع پر رکن اسمبلی پرساد ابیا ،ہبلی دھاڑ وار مہا نگرپالیکے کے کانگریس صدر الطاف ہلور ،انیل کمار پاٹل ،نویر ملا ویگر مقامی قائدین شریک رہے ۔ 

ایک نظر اس پر بھی

بنگلورو کےپروگرام میں ’پاکستان زندہ باد‘ کا نعرہ ؛ امولیا کو سی اے اے مخالف احتجاجیوں نے کردیا باہر ؛ کیا تھا امولیا کا منشاء ؟

شہریت قانون کی مخالفت میں ٹیپو سلطان فرنٹ کے زیراہتمام بنگلور کے فریڈم پارک میں منعقدہ احتجاجی جلسہ میں اچانک  امولیا نامی خاتون مقرر نے پاکستان زندہ باد کے نعرے لگانے شروع کردیے  جس پر منتظمین اور اسٹیج پر تشریف فرما حیدر آباد کے رکن پارلیمان اسد الدین اویسی  حیرت میں پڑ ...

منگلورو: شہریت ترمیمی قانون مخالف احتجاج کے دوران ہوئے لاٹھی چارج اور فائرنگ معاملے میں ایف آئی آر درج ہونا چاہیے؛ ہائی کورٹ کا تیکھاتبصرہ

منگلورو میں شہریت ترمیمی قانون کے خلاف19دسمبر2019 کو ہوئے پرتشدد احتجاج کے دوران پولیس کی طرف سے کیے گئے لاٹھی چارج اور فائرنگ کے سلسلے میں کرناٹکا ہائی کورٹ کی ڈیویزن بنیچ کے رکن جسٹس جان مائیکل نے تبصرہ کرتے ہوئے کہا کہ پولیس کوا س معاملے میں ایف آئی درج کرنا چاہیے۔

بنگلور وسٹی پولیس وائٹ فیلڈ کو محفوظ بنانے کیلئے سی سی ٹی وی کی نگرانی

اگر آپ وائٹ فیلڈکے علاقہ میں رہتے ہیں تو جلد ہی آپ بنگلور سٹی پولیس کی نگرانی میں ہوں گے، دراصل ٹیکنالوجی کے مرکز اور علاقہ کو جرائم سے محفوظ بنانے، شرارتوں کو ختم کرنے، عوامی اعلانات کو ممکن بنانے اور مجرموں کو پکڑنے کی کارروائی کو آسان بنانے کے لئے پولیس نے اب خانگی اداروں کا ...

بنگلورو سلک بورڈ جنکشن راہگیروں کے لئے خطرناک

الیکٹرانک سٹی اور شرجاپور میں واقع اپنے دفاتر کو جانے کے لئے بسوں کو پکڑنے کے لئے فٹ پاتھوں پر پیدل چلنے اور سلک بورڈ جنکشن کا استعمال کرنے والے ٹیکیوں کا کہنا ہے کہ، یہاں کی سڑکوں پر سے پیدل چل کر جانا ایک خطر ناک معاملہ ہوتا ہے۔

این آرسی بد عنوانیوں میں اضافہ کا سبب بنے گا

شہر بنگلور میں مزدوروں تنظیموں کے رضاکاروں نے تنبیہ کی ہے کہ مرکزی حکومت کی طرف سے قومی رجسٹر برائے شہریت کے نفاذ کی کوئی بھی کوشش بد عنوانیوں کو ہوا دے سکتی ہے اور ملک بھر میں رشوت ستانی کا ماحول پیدا ہو جائے گا جبکہ غیرب لوگوں کو اپنے دستاویزات بنانے یا انہیں درست کرانے کے لئے ...

بی بی ایم پی صفائی کرمچاریوں کیلئے رہائشی اسکیم بی ڈی اے سے تعمیر شدہ فلیٹ کے حق پترا تقسیم

بروہت بنگلور مہانگر پالیکے (بی بی ایم پی) کے صفائی کرمچاریوں کو رہائش کی سہولت فراہم کرنے بنگلور ڈیولپمنٹ اتھارٹی (جی ڈی اے) کی طرف سے فلیٹ تعمیر کئے جارہے ہیں، ان میں سے چند فلیٹ کے حق پترا آج منتخب صفائی کرمچاریوں میں تقسیم کئے گئے۔