بھٹکل :19؍دسمبر (ایس اؤ نیوز) اُڈپی سے تعلق رکھنے والے این آر آئی صنعت کار بی آر شٹی کی قیام کردہ یو اے ای ایکسچینج کے مین ادارے فی نیبلر پی ایل سی کو اسرائیل۔ یواے ای کے ایک متحدہ ادارے نے ایک ڈالر(قریب 74روپئے ) میں خرید لیاہے۔

دبئی کی میڈیا میں آئی خبروں کو مانیں تو فارین ایکسچینج معاملات کو لےکر ہوئے گھوٹالے میں فی نیبلر کمپنی کو اسرائیل کے سابق وزیر اعظم یہود اولمرٹ سے منسلک پریزم گروپ، ابوظہبی رائیل اسٹراجٹک پارٹنرس (آرایس پی ) کے ساتھ  معاہدہ طئے کیا گیا ہے اورآر ایس پی  ادارے کے ذمہ دار ابوبکر الخوری ہیں۔ جن کی  ابوظہبی ایگزیکٹیو کونسل کے نائب صدر شیخ حجاّبن زید النہیان کے ساتھ رشتہ داری ہے۔

سال کی  شروعات میں یو اے ی اور اسرائیل عمومیت کو لےکر معاہدہ کئے جانے کے بعد یواے ای اور اسرائیل کی کمپنیوں کے ساتھ ہونےو الے کئی اہم تجارتی معاہدوں میں سے یہ بھی ایک معاہدہ ہے۔ دونوں ملکوں کے درمیان تجارتی معاہدوں کو لے کر اسرائیل اپنی تجارت 2بلین سے بڑھاکر 6.5بلین تک لےجانے کی کوشش میں ہے۔

گزشتہ جولائی میں این ایم سی ہیلتھ کمپنی کے بانی بی آر شٹی کی  دنیا بھر کے مختلف ممالک کی ملکیت کو ضبط کرنےکا دبئی عدالت نے حکم دیاتھا۔ شٹی 8ملین ڈالر سے زائد قرض دار ہیں، لون کو ادا نہ  کئے جانےکی وجہ سے ملکیت  کی ضبطی کو لےکر بینک نے معاملہ کو عدالت لے گئی تھی ۔ گزشتہ دسمبر میں 1.5بلین پاؤنڈ (2بلین ڈالر) کی مارکیٹ قیمت رکھنےو الی یہ کمپنی اپنے تمام معاملات صرف ایک ڈالر میں فروخت کئے جانے سے ہر کوئی  تعجب  کا اظہار کررہے ہیں۔

بی آر شٹی کا زوال  کیسے ہوا ؟: گزشتہ 17دسمبر کو امریکہ کی موڈی واٹرس نے اپنی رپورٹ میں الزام لگایا تھا کہ  بی آر شٹی کی ایم این سی کمپنی  نے مارکیٹ قیمت سے زائد رقم دے کر ملکیت کو خریدا ہے۔ کمپنی اپنے نقد بیالنس شیٹ اور قرضہ جات کے متعلق سچائی کو چھپانے کے متعلق بھی شکوک کا اظہار کیاتھا۔ رپورٹ میں کہاگیا تھا کہ ایم این سی کمپنی میں کئی سارے غیر قانونی معاملات ہوئے ہیں، قرضے کے لئے کمپنی نے اپنے شئیر بینک میں گروی رکھا تھا  جس کو  چھپا کررکھےجانے کا بھی الزام لگایا گیاتھا۔ اس کے بعد بی آر شٹی نے ہیلتھ کئیر کی صدارت سے استعفیٰ دینے کے علاوہ ایم این سی کے نائب صدر خلیفہ بوٹّی اور دیگر چار ڈائرکٹروں کو بھی استعفیٰ سونپاتھا۔