بھٹکل ساگر روڈ پر دو بائکوں کے درمیان خطرناک تصادم؛ ایک ہلاک، دو شدید زخمی

Source: S.O. News Service | By I.G. Bhatkali | Published on 14th January 2022, 10:52 PM | ساحلی خبریں |

بھٹکل 14 جنوری (ایس او نیوز) یہاں ساگر روڈ پر کیترے کراس سے آگے کلآبے کراس پر دو موٹر بائکوں کی ٹکر میں ایک نوجوان ہلاک ہوگیا جبکہ دوسری بائک پر سوار ماں اور بیٹا شدید زخمی ہوگئے۔

حادثہ جمعہ شام قریب 7:30 بجے اُس وقت پیش آیا جب ایک ایکٹیوا بائک پر ماں اور بیٹا کُنٹوانی سے بھٹکل سرکاری اسپتال جارہے تھے جب مخالف سمت سے آنے والی تیزرفتار موٹر بائک کے ساتھ ان کی آمنے سامنے سے ٹکر ہوگئی۔ حادثے میں تینوں شدید زخمی ہوگئے جنہیں بھٹکل سرکاری اسپتال سے منی پال شفٹ کیا گیا، پتہ چلا ہے کہ منی پال  اسپتال پہنچنے سے پہلے ہی موٹر بائک پر سوار نوجوان جس کی شناخت پردیپ رامیّاگونڈا (25) کے طور پر کی گئی ہے، راستے میں دم توڑ دیا۔ ایکٹیوا پر سوار ماں سروجا کرشنا بنڈے (55) اور بیٹا رمیش مادھیو بانڈے (20)  کو منی پال اسپتال میں داخل کیا گیا ہے،پتہ چلا ہے کہ ان دونوں کی حالت بھی نازک ہے۔

مہلوک نوجوان ماروکیری کے ہیجّل کا رہنے والا تھا، جبکہ زخمی ماں اور بیٹا کُنٹوانی کے رہنے والے ہیں۔ بھٹکل شمس الدین سرکل سے قریب پانچ کلو میٹر دور ساگرروڈ کے کلابے کراس پر یہ حادثہ پیش آیا۔

ایک نظر اس پر بھی

کاروار: دانتوں میں درد اور سردرد جیسی عام بیماریوں پر اسپتال نہ جائیں ،شدید بیمار پڑنے یا ایمرجنسی کی صورت میں ہی اسپتال کا رخ کریں: کاروار اور ہوناور میں پانچ دنوں تک اسکول بند

شدید بیمار پڑنے اور ایمرجنسی ہونے پر ہی سرکاری، پرائیویٹ  اسپتال یا سوپر اسپیشالٹی اسپتال کا رُخ کریں اور معمولی بیمار مثلاً دانتوں کا درد، سر میں درد وغیرہ پر  اسپتالوں کا رُخ نہ کیا جائے، ایسی عام بیماریوں کے لئے مقامی ڈاکٹروں کے ذریعے علاج کراسکتے ہیں۔ اس طرح  کا حکم حکومت ...

جامعہ اسلامیہ بھٹکل کے ہونہار فرزند کابڑا کارنامہ ۔ انٹرنیشنل سطح پر روشن کیا بھٹکل کانام

کہتے ہیں کہ درخت اپنے پھل سے پہچانا جاتا ہے اور تعلیمی ادارے اپنے فارغین کی لیاقت اور صلاحیت سے پہچانے جاتے ہیں، ہندوستان میں بڑے تعلیمی اداروں کا نام کچھ شخصیات نے ہی روشن کیا ہے ،  الحمد للہ بھٹکل کے دینی و عصری تعلیم گاہوں کے طلبہ و طالبات بھی بڑی حد تک اپنی مادر علمی کی نیک  ...