بھٹکل 2 جنوری (ایس او نیوز) بندر روڈ، بیلنی میں پیش آئے  ایک سڑک  حادثہ میں بائک پر سوار تین لوگوں میں سے دو کو  شدید  چوٹیں آئی ہیں  ، مگر تینوں کو  بھٹکل سرکاری اسپتال میں ابتدائی طبی امداد کے بعد منی پال اسپتال  روانہ کیا گیا ہے۔ حادثہ اتوار   صبح قریب 11:30 بجے پیش آیا۔

بتایا گیا ہے کہ  بائک سوار منجوناتھ سوکرا گونڈا (31) اپنی  ماں دُرگی ایس گونڈا (50)  اور اپنے بھائی کے  چھ سالہ بیٹے اکیل گونڈا کو بائک پر بٹھاکر  سرکل سے تلگوڈ (بندر) جارہا تھا، بیلنی کے قریب اچانک سامنے کتا آجانے سے بائک کا توازن بگڑ گیا جس کے نتیجے میں بائک سڑک پر پھسل گئی۔ حادثے میں  تینوں شدید  زخمی ہوگئے ، جس میں   دُرگی گونڈا اور چھ سالہ لڑکا اکیل کو شدید  چوٹ لگی ہے۔ البتہ تینوں کو منی پال شفٹ کیا گیا ہے۔

اطلاع ملنے پر بھٹکل مضافاتی پولس  جائے وقوع پر پہنچی اور جائزہ لیا۔