بہار میں بارش سے تباہی: بھاگلپور میں دیوار گرنے سے 6 افراد ہلاک
پٹنہ،29/ستمبر(آایس او نیوز/ئی این ایس انڈیا) بارش کی وجہ سے پٹنہ سمیت کئی حصوں میں عوام کی زندگی بری طرح متاثر ہے۔پٹنہ شہرکے مال میں پانی بھراہے،راستے کشتیوں سے طے کیے جارہے ہیں،سڑکیں بدحال ہیں،ڈبل انجن والی بہارسرکارپوری طرح بے بس نظرآرہی ہے،اسی درمیان وزیراعلیٰ نتیش کمارنے کہاہے کہ قدرت کے قہرپرکسی کاکنٹرول نہیں ہے۔این ڈی آرایف کی ٹیمیں اتاردی گئی ہیں۔دارالحکومت کے کھگول تھانہ میں داناپور ریلوے اسٹیشن کے مشرقی دروازے کے پاس بھاری بارش کے درمیان سڑک کے کنارے ایک درخت آٹوز پر اچانک گر گیا، جس کی وجہ سے آٹو رکشہ پر سوار ڈیڑھ سال کی ایک بچی اور تین خواتین کی موت ہو گئی۔کھگول تھانہ صدر مکیش کمار نے بتایا کہ لاشوں کوپوسٹ مارٹم کے لیے بھیج دیا گیا ہے۔دوسری طرف پٹنہ کے پنڈارک تھانہ علاقہ میں ایک درخت گرنے سے سڑک ٹریفک رکاوٹ پیدا ہو گئی،درخت کو جے سی بی کی مدد سے سڑک سے ہٹا دیا گیا۔وہیں بھاگلپور میں مختلف جگہوں پر دیوار گرنے سے 6 افراد کی جان چلی گئی۔بھاگلپور ضلع مجسٹریٹ پرنب کمار نے بتایا کہ بھاری بارش کی وجہ سے براری تھانہ علاقے میں واقع ہنومان مندر کی چاردیواری کے اچانک گر جانے سے تین لوگوں کی موت ہو گئی جبکہ ایک دوسراشخص زخمی ہو گیا۔انہوں نے بتایا کہ بھاری بارش کی وجہ سے براری تھانہ تحت کھجورپور علاقے میں ایک مکان کی دیوار گرنے سے اس کے ملبے کے نیچے دب کر تین افرادکی موت ہو گئی۔پرنب نے بتایا کہ مرنے والوں میں پانچ مرد اور ایک عورت شامل ہیں۔انہوں نے بتایا لاشوں کو پوسٹ مارٹم کے لئے زخمی کو علاج کے لیے جواہر لال نہرو میڈیکل کالج ہسپتال بھیجا گیا ہے،پٹنہ میں ہر طرف پانی ہی پانی ہے،نچلے علاقے ڈوب چکے ہیں۔پٹنہ کے بہادرپور پل کے قریب اینڈیاریف ٹیم ریسکیو چلا رہی ہے،لوگ اپنا سامان ٹھیلے پر لاد کر محفوظ طریقے سے واپس لوٹ رہے ہیں۔راجندر نگر اور کے کے پوری طرح علاقے سب سے زیادہ متاثر ہوئے ہیں۔محکمہ موسمیات نے 30 ستمبر تک شہر میں بھاری بارش ہونے کا اندازہ ظاہر کیا ہے۔