بہار میں زہریلی شراب سے مرنے والوں کی تعداد 9 ہو گئی، 17 افراد بینائی سے محروم

Source: S.O. News Service | Published on 5th August 2022, 8:12 PM | ملکی خبریں |

پٹنہ،5؍اگست (ایس او نیوز؍ایجنسی) بہار کے سارن ضلع میں زہریلی شراب پینے سے مہلوکین کی تعداد میں لگاتار اضافہ ہو رہا ہے۔ اس واقعہ سے مرنے والوں کی تعداد جمعہ کے روز 9 تک پہنچ گئی اور 17 لوگوں کی آنکھوں کی روشنی چلی گئی۔ متاثرین سارن ضلع کے مکیر اور بھیلڈی تھانہ حلقہ کے گاؤں کے رہنے والے ہیں۔ بیشتر متاثرین نے دھانوکا ٹولی گاؤں سے نقلی شراب خریدی تھی۔ اس کے بعد بدھ کی شب انھوں نے الگ الگ مقامات پر شراب نوشی کی اور اس کے بعد ان کی طبیعت بگڑ گئی۔

جمعرات کی صبح 35 سالہ چندن کمار اور 60 سالہ کمل مہتو نام کے دو لوگوں کی موت ہو گئی۔ سارن کے ضلع مجسٹریٹ راجیش مینا نے بھی حادثہ کی تصدیق کی ہے۔ انھوں نے کہا کہ ابتدائی جانچ میں پتہ چلا ہے کہ انھوں نے نقلی شراب پی تھی۔ دیگر مہلوکین کی شناخت اوم ناتھ مہتو، چندیشور مہتو، سکلدیپ مہتو، دھنی رام مہتو، راجناتھ مہتو اور دو دیگر کی شکل میں ہوئی ہے۔ جمعرات کی دوپہر سے جمعہ کی صبح کے درمیان ان کی موت ہوئی۔

علاقے میں زہریلی شراب پینے سے موت کی خبر ملتے ہی مکیر، بھیلڈی اور امنور کے ایس ایچ او اور سرکل افسر فورنسک ماہرین کے ساتھ متاثرین کے گھر پہنچے۔ انھوں نے نمونے جمع کیے اور مہلوک و سنگین طور سے بیمار اشخاص کے اہل خانہ کے بیانات بھی درج کیے۔ سنگین طور سے بیمار لوگوں کو صدر اسپتال چھپرہ اور پی ایم سی ایچ پٹنہ میں داخل کرایا گیا۔ پولیس نے کہا کہ 17 لوگوں کی بینائی چلی گئی ہے اور وہ اسپتالوں میں بھی زندگی کی جنگ لڑ رہے ہیں۔ واضح رہے کہ ایسے واقعات تب پیش آ رہے ہیں جب بہار میں پوری طرح سے شراب بندی ہے۔ اپریل 2016 سے ریاست میں شراب پر پابندی عائد ہے، پھر بھی اکثر شراب سے ہونے والے واقعات پیش آتے رہتے ہیں۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...