کورونا کے خلاف لڑائی میں بہار حکومت سب سے پیچھے: یشونت سنہا

Source: S.O. News Service | Published on 3rd August 2020, 11:21 AM | ملکی خبریں |

پٹنہ،3؍اگست (ایس او نیوز؍ایجنسی)  سابق مرکزی وزیر خزانہ یشونت سنہا نے کورونا وبا کے خلاف لڑائی میں حکومت بہار کو پھسڈی قرار دیتے ہوئے کہا ہے کہ مناسب وقت ملنے کے باوجود بھی حکومت اس سنگین صورت حال میں لوگوں کے لئے معقول انتظام کرنے میں ناکام رہی ہے۔ یشونت سنہا نے گزشتہ روز یعنی اتوار کو کہا کہ بہار میں کورونا انفیکشن کا پہلا معاملہ مارچ میں سامنے آیا۔ لاک ڈاؤن کی مدت میں بہار حکومت کو اپنے طبی نظام کو مستحکم کرنا چاہیے تھا لیکن اس نے ایسا نہیں کیا۔

اس دوران حکومت کورونا وبا کے خلاف ٹھوس حکمت عملی بنانے میں ناکام ثابت ہوئی۔ انہوں نے کہا کہ ریاست کی صورت حالات اتنی خراب ہوگئی ہے کہ انفیکشن زدہ شخص کی لاش کئی دنوں تک دیگر مریضوں کے ساتھ وارڈ میں پڑی رہ جاتی ہے۔ سابق مرکزی وزیر یشونت سنہا نے الزام لگایا کہ حکومت بہار اپنی ناکامی چھپانے کے لئے صرف محکمہ صحت کے پرنسپل سکریٹری کو بدل رہی ہے۔ انہوں نے کہا کہ سبھی ریاستی حکومتوں کے ساتھ ہی مرکزی حکومت کو کیرلہ میں جنوری میں کورونا انفیکشن کا پہلا معاملہ سامنے آنے کے بعد الرٹ ہوجانا چاہیے تھا۔

ایک نظر اس پر بھی

سماج وادی پارٹی بی جے پی حکومت کی منمانی کے خلاف گورنر کو آج سونپے گی میمورنڈم: اکھلیش

سماج وادی پارٹی (ایس پی) کے صدر اکھلیش یادو نے کہا کہ بی جے پی حکومت کی منمانی اور جابرانہ پالیسیوں کے خلاف 21 ستمبر یعنی آج سماج وادی پارٹی سبھی اضلاع میں تحصیل سطح پر ضلع انتظامیہ کے ذریعہ گورنر کو ایک میمو رنڈم پیش کرے گی۔

بی جے پی کے رویہ سے پارلیمانی جمہوریت شرمسار: کانگریس

کانگریس نے کہا کہ راجیہ سبھا میں بھارتیہ جنتا پارٹی نے جس طرح کا سلوک کیا ہے اس سے ملک کی پارلیمانی جمہوریت شرمسار ہوئی ہے اور ڈپٹی چیرمین ہری ونش نارائن سنگھ نے اراکین کے جذبات کو کچل کر ایوان کی کارروائی کو انجام دیا۔