کرناٹک میں کورونا کے 2798نئے کیس بنگلورو میں 1533افراد متاثر۔70اموات
بنگلورو،12؍جولائی(ایس او نیوز) کرناٹک میں کورونا سے متاثرین کی تعداد میں بے تحاشہ اضافے کا سلسلہ رکنے کا نام نہیں لے رہا ہے۔
جمعہ اور ہفتہ کے درمیان کرناٹک میں 2798افراد کوکورونا سے متاثرپایاگیا۔ جس کے ساتھ ہی ریاست بھر میں اس مہلک وائرس کی زد میں آنے والوں کی تعداد36261 تک پہنچ گئی ہے۔پچھلے24گھنٹوں کے دوران ریاست بھر میں اس وائرس سے 70 لوگ فوت ہوئے۔ جن میں سے 23کا تعلق بنگلور سے ہے۔
ریاستی وزیر برائے میڈیکل ایجوکیشن ڈاکٹر سدھاکر نے کورونا اپ ڈیٹ میڈیا کو دیتے ہوئے بتایا کہ شہر بنگلور میں گزشتہ 24گھنٹوں کے دوران 1533افراد کورونا سے متاثر ہوئے۔ریاست بھر میں مرنے والوں کی تعداد613ہوچکی ہے۔جبکہ بنگلورو میں وفات پانے والوں کی تعداد216تک پہنچ چکی ہے۔گزشتہ 24گھنٹوں کے دوران ریاست بھر کے مختلف کووِڈ اسپتالوں سے 880 افراد صحت یاب ہوکر رخصت ہوئے۔