وزیر اعلیٰ ایڈی یورپا کو بہت بڑی راحت، سپریم کورٹ نے وزیر اعلیٰ پر کارروائی کرنے پر اسٹے لگادی
بنگلورو، 6؍ اپریل (ایس او نیوز) ریاستی وزیراعلیٰ بی ایس ایڈی یورپا کو اس وقت بڑی راحت ملی جب سپریم کورٹ نے زمین کے ڈی نوٹی فکیشن کے معاملہ میں ان کے خلاف فوجداری کارروائی پر روک لگادی ۔
سپریم کورٹ کے چیف جسٹس ایس ایس بوبڈے اور جسٹس اے ایس بوپنا اور رام سبرمنین پر مشتمل بنچ نے 17 ؍مارچ کے ہائی کورٹ کے حکم پر ایڈی یوریا کے خلاف کارروائی ملتوی کردی۔ ہائی کورٹ نے ایڈی یورپا کے خلاف فوجداری کاروائی کرنے کا حکم دیا تھا۔ 2007 میں بنگلور نار تھ میں 20 ؍ایکڑ انڈسٹریل زمین کے ڈی نوٹی فکیشن کے ایک معاملہ میں ہائی کورٹ نے حکم دیا تھا۔ سینئر اڈوکیٹ کے وشوانا تھن نے عدالت میں ایڈی یورپا کی پیروی کرتے ہوئے عدالت سے کہا کہ ایک انتظامی فیصلہ کے لئے کسی کو سزا نہیں دی جاسکتی۔ اڈوکیٹ کی بحث سننے کے بعد حقیقی عرضی گزارا اجے عالم پاشاہ کو عدالت نے نوٹس جاری کیا ہے۔
سپریم کورٹ کے اس تاز ہ حکم کے مطابق عدالت نے نہ صرف ایڈی یورپا کے خلاف کارروائی کو اسٹے کر دیا ہے بلکہ اس کریمنل معاملہ میں کارروائی پر بھی روک لگا دی ہے ۔ عدالت عظمیٰ کے اس حکم سے ریاستی وزیر برائے کانکنی مرگیش نرانی کو بھی بڑی راحت ملی ہے ۔ اس معاملہ میں خصوصی عدالت نے ایڈی یورپا اوراس وقت کے وزیر صنعت کاسبرامیا نا ئیڈو بھی بڑی راحت کی ہے۔