ہماچل کے سرمور ضلع میں لینڈ سلائیڈنگ، 100 گاؤں کا رابطہ منقطع، امدادی کاموں میں مصروف انتظامیہ
شملہ، 31؍ جولائی (ایس او نیوز؍ایجنسی) پہاڑوں پر مسلسل بارش نے لوگوں کی مشکلات میں اضافہ کردیا ہے۔ ہماچل پردیش کے سرمور میں ایک بڑا لینڈ سلائیڈنگ ہوا۔ یہ لینڈ سلائیڈنگ کامرو کے قریب ہوا، جس کی وجہ سے نیشنل ہائی وے 707 مکمل طور پر بلاک ہو گیا ہے۔ اس وجہ سے سڑکوں کے نام اور نشانات تقریباٰآدھے سے چوتھائی کلومیٹر تک مٹ گئے ہیں۔ یہ ہائی وے یو پی اور ہریانہ سے ہماچل کے سرمور کی طرف جاتا ہے، پھر یہ پونٹا سائیڈ سے شروع ہوتا ہے اورشملہ کے قریب گمبا کے ساتھ جڑجاتا ہے۔یہ شاہراہ بہت مشکل علاقوں سے گزری۔ اس کی وجہ سے سرمور کے سو سے زائد دیہات پونٹا سائیڈ سے منقطع ہو گئے ہیں۔ کہا جا رہا ہے کہ ایک ڈمپنگ گراؤنڈ کا کام بھی جاری تھا جس کی وجہ سے وہاں پانی بھر گیا، جس کی وجہ سے یہ حادثہ پیش آیا۔خیال کیا جاتا ہے کہ یہ ہماچل پردیش کی آج تک کا سب سے بڑی لینڈ سلائیڈنگ معاملہ ہے۔ سڑک بنانے کیلئے پورے پہاڑ کو دوبارہ کھودنا پڑے گا لیکن پہاڑوں پر بارش کے موسم میں سڑک بنانا بہت مشکل ہے، پہاڑوں پر بارش کی وجہ سے تباہی ہے۔ اسی وجہ سے دونوں طرف سے ہزاروں لوگ پھنسے ہوئے ہیں۔ حالانکہ انتظامیہ اس میں مصروف ہے۔ شاہراہ پر ٹریفک مکمل طور پر معطل ہے۔
