دبئی میں بیفا کے زیر اہتمام فٹ بال ٹورنامنٹ کاکامیاب انعقاد
دبئی /بھٹکل:3/ جنوری (ایس اؤنیوز)دی بھٹکل انٹر فٹ بال اسوسی ایشن (بیفا) کے زیرا ہتمام دبئی میں فٹ بال ٹورنامنٹ کاانعقاد کیاگیا ۔ جس میں ٹیم اے، بی ، سی اور ڈی نے شرکت کرنے کی منتظمین نے پریس ریلیز کے ذریعے جانکاری دی ہے۔
ٹورنامنٹ میں ٹیموں کے درمیان لیگ لیول پر میچ کھیلے گئے۔ متعلقہ ٹورنامنٹ کے لئے دبئی کے اسکاوٹ مشن ہال میں کھلاڑیوں کو آکشن کے ذریعے منتخب کیا گیا تھا۔ کھلاڑیوں کے انتخاب میں سخت مقابلہ آرائی دیکھی گئی ۔ یہ ٹورنامنٹ جہاں کھلاڑیوں کو ترقی دینےمیں کامیاب ہوا وہیں انتظامات کو لے کر کافی کامیاب بتایا جارہاہے۔ ٹورنامنٹ میں ٹیم اے چمپئین بنی۔ فاتح ٹیم کو خوبصورت ٹروفی کے ساتھ ہرایک کھلاڑی کو میڈل سے نوازاگیا۔ اسی طرح رنر اپس کے کھلاڑیوں کوبھی میڈل سے عزت بخشی گئی ۔
ٹورنامنٹ میں دانش ابن شفیع شاہ بندری بیسٹ پلئیر، امتیاز خطیب بیسٹ گولی کے خطاب سے نوازا گیا تو سی بی ایس ای نیشنل فٹ بال ٹیم کا حصہ بن کرفٹ بال میں بہترین کارکردگی کا مظاہرہ کرنے والے دیاب کھروری ابن رحمت اللہ راہی ؔ کی تہنیت کی گئی ۔ انعامی تقریب میں شریک ہوئے تمام مہمانوں کو بیفا میمونٹو پیش کیاگیا۔ عبدالغنی محتشم نے آکشن اور اختتامی تقریب کی نظامت کی ۔ اس موقع پر عبدالقادر باشاہ رکن الدین، رحمت اللہ راہی ؔ، جیلانی محتشم، امجد شاہ بندری اور الطاف پٹھان موجود تھے۔