بھوپیش بگھیل کی کانگریس صدر سونیا گاندھی، راہل اور پرینکا سے ملاقات، انتخابی حکمت عملی پر تبادلہ خیال

Source: S.O. News Service | Published on 19th January 2022, 9:42 PM | ملکی خبریں |

نئی دہلی،19؍جنوری (ایس او نیوز؍ایجنسی) چھتیس گڑھ کے وزیر اعلیٰ بھوپیش بگھیل نے بدھ کے روز دہلی میں کانگریس کی صدر سونیا گاندھی اور رکن پارلیمنٹ راہل گاندھی سے ملاقات کی۔ ساتھ ہی وہ پارٹی کی جنرل سکریٹری اور انچارج اتر پردیش پرینکا گاندھی کی رہائش گاہ پر ان سے ملاقات کے لئے بھی پہنچے۔

معلومات کے مطابق انتخابی دور میں کانگریس چھتیس گڑھ ماڈل کو اپنی دیگر حکومت والی ریاستوں میں بھی نافذ کر سکتی ہے۔ چھتیس گڑھ میں نافذ کئی عوام دوست اسکیموں کو پارٹی کی جانب سے انتخابی ریاستوں کے منشور میں شامل کیے جانے کا امکان ہے، جس پر اتر پردیش کے چیف آبزرور اور چھتیس گڑھ کے وزیر اعلیٰ بھوپیش بگھیل نے بدھ کے روز لکھنؤ میں ایک پریس کانفرنس اور تنظیم کی میٹنگ میں شرکت سے قبل سونیا گاندھی، راہل گاندھی اور پرینکا گاندھی سے ملاقات کی۔

ملاقات کے دوران اتر پردیش کی انتخابی حکمت عملی پر تبادلہ خیال کیا گیا۔ اس کے ساتھ وزیر اعلیٰ نے اعلیٰ رہنماؤں کو اپنے بیٹے کی شادی میں مدعو کیا۔ بگھیل نے راہل گاندھی اور سونیا گاندھی سے الگ الگ ملاقات کی۔

خبررساں ایجنسی آئی اے این ایس کے مطابق وزیر اعلیٰ بھوپیش بگھیل نے راہل گاندھی سے تقریباً 40 منٹ تک اتر پردیش انتخابات کی صورتحال اور انتظام پر تبادلہ خیال کیا۔ وزیر اعلیٰ نے کورونا پابندیوں کے ساتھ میدانی تشہیر اور ورچوئل الیکشن کے طریقوں پر تجربات کی بنیاد پر اپنا موقف پیش کیا۔ کانگریس کے سابق صدر راہل گاندھی نے بھی کئی اہم ہدایات دیں۔

وہیں، کانگریس صدر سونیا گاندھی سے ملاقات کے دوران بگھیل نے اتر پردیش اسمبلی انتخابات میں تنظیم کی حکمت عملی اور لوگوں کے رجحانات وغیرہ کے اشارے پر تبادلہ خیال کیا۔ اس دوران چھتیس گڑھ کی صورتحال اور مسائل پر بھی بات چیت ہوئی۔ اس کے ساتھ ہی کانگریس پارٹی نے بدھ کی شام 6:30 بجے مرکزی الیکشن کمیٹی کا اجلاس طلب کیا ہے۔ اس اجلاس سے قبل یوپی کے مبصر ہونے کے ناطے بگھیل نے بھی اظہار خیال کیا۔

ایک نظر اس پر بھی

آندھرا پردیش میں گیس سلنڈر پھٹنے سے حادثہ، 4 افراد ہلاک

  آندھرا پردیش کے ضلع اننت پور میں پکوان گیس سلنڈر کے پھٹنے کے نتیجہ میں چار افراد ہلاک اور دیگر دو شدید طور پر جھلس گئے۔ ضلع کے مولاکالیڈو علاقہ کے ایک مکان میں یہ واقعہ پیش آیا۔ گیس سلنڈر کے پھٹنے سے متصل مکان کی چھت گر گئی۔ اس واقعہ میں پڑوس کے مکان کے چار افراد ہلاک ہو گئے، ...

منشیات کیس، بالی ووڈ کے سپر اسٹار شاہ رخ خان کے بیٹے آرین خان کو کلین چٹ

  بالی ووڈ کے سپر اسٹار شاہ رخ خان کے بیٹے آرین خان کو نحری جہاز میں منعقدہ ریو پارٹی میں منشایات کے استعمال کے معاملے میں منشیات مخالف دستے کی ایک خصوصی تحقیقاتی ٹیم ایس آئی ٹی نے کلین چٹ دے دی ہے جسکی تشکیل اس کیس پر انگلیاں اٹھنے کے بعد عمل میں آئ تھی اور اسے ازسرنو تحقیقات کی ...

ہندوستان میں کوئلہ بحران پھر پیدا ہونے کے آثار، شدید بجلی کٹوتی کا خدشہ: رپورٹ

ہندوستان کو رواں مالی سال (2022-23) کی دوسری یعنی ستمبر میں ختم ہونے والی سہ ماہی کے دوران کوئلہ کی شدید قلت کا سامنا کرنا پڑ سکتا ہے، کیونکہ اس وقت بجلی کی طلب زیادہ ہونے کی توقع ہے۔ خبر رساں ادارے روئٹرز کے مطابق وزارت توانائی کی ایک داخلی کمیٹی نے اپنی رپورٹ میں ان خدشات کا اظہار ...

دہلی : اسٹیڈیم میں کھلاڑیوں کا داخلہ روک کر کتے کو اسٹیڈیم میں سیر کرانا آئی اے ایس جوڑے کو پڑا بھاری

  دہلی کے تیاگراج اسٹیڈیم میں کھلاڑیون کا داخلہ روک کر کتے کو سیر کرانا آئی اے ایس جوڑے کو بھاری پڑ گیا ہے۔ مرکزی وزارت داخلہ نے آئی اے ایس جوڑے سنجیو کھیروار اور رنکو دُگا کا تبادلہ کر دیا ہے۔ مرکزی وزارت داخلہ کی جانب سے یہ کارروائی سنجیو کھیروار اور ان کی اہلیہ رنکو دگا کی ...

یاسین ملک کے حوالے سے او آئی سی کے بیان پر ہندستان کا شدید اعتراض

ہندوستان نے جمعہ کو یاسین ملک معاملے میں عدالت کے فیصلے سے متعلق اسلامی تعاون تنظیم کے آزاد مستقل انسانی حقوق کمیشن کے تبصروں پر سخت اعتراض کیا اور کہا کہ ان تبصروں کے ذریعے او آئی سی۔ آئی پی ایچ آر سی نے کشمیر کے علیحدگی پسند لیڈر کی دہشت گردانہ کارروائیوں کی حمایت کی ہے۔