بھٹکل ٹاؤن، ہیبلے پنچایت اور جالی پنچایت علاقوں میں لاگو رہے گارات کا کرفیو۔سیل ڈاؤن کیے جارہے ہیں ’ہاٹ اسپاٹس‘

Source: S.O. News Service | Published on 4th July 2020, 12:07 PM | ساحلی خبریں |

بھٹکل،4؍جولائی (ایس او نیوز)بھٹکل تعلقہ میں کورونا وباء کی بدلتی صورتحال پر قابو پانے کے لئے ضلع انتظامیہ نے لاک ڈاؤن قوانین میں دوبارہ کچھ سختی برتنے کافیصلہ کیا ہے۔اسی کے تحت جمعہ کے دن شام میں منعقدہ ایک پریس کانفرنس سے خطاب کرتے ہوئے اسسٹنٹ کمشنر بھرت ایس نے عوام کے لئے جو ہدایات جاری کیں اس کے مطابق بھٹکل ٹاؤن میونسپالٹی، جالی پٹن پنچایت اور ہیبلے گرام پنچایت کے حدود میں شام 6بجے سے صبح 6بجے تک رات کا کرفیو لاگو رہے گا اور کسی قسم کی کاروباری یا عام چہل پہل پر مکمل پابندی رہے گی۔

اسسٹنٹ کمشنر بھرت ایس اور اے ایس پی نکھل نے اپیل کی ہے کہ اس مرض کو پوری طرح کنٹرول کرنے اور اس وباء سے نجات دلانے کے لئے ان قوانین کو نافذ کرنے میں عوام پوری طرح تعاون کریں۔

ہاٹ اسپاٹس میں پابندیاں:    انہوں نے کہا کہ ریاستی حکومت نے بہت سی نئی ہدایات جاری کی ہیں جن میں اتوار کے دن مکمل کرفیو لاگو کرنا بھی ہے۔ان ہدایات پر عمل پیرائی کے لئے بھٹکل میں کچھ سختی برتنا لازمی ہوگیا ہے۔ فی الحال چند علاقوں کو ’ہاٹ اسپاٹ‘ کے طور پر نشان زد کیا گیا ہے۔ آئندہ دوایک دنوں میں مزید کچھ علاقے بھی ہاٹ اسپاٹ بن سکتے ہیں۔ ان تمام علاقوں کو مکمل طور پر سیل ڈاؤن کیا جارہا ہے۔ان علاقوں کے لوگ میڈیکل ایمرجنسی کی ضرورت کو چھوڑ کر دوسرے کسی بھی کام کے لئے گھروں سے باہر نکل نہیں سکیں گے۔ان علاقوں کے لئے نوڈل آفیسر تعینات کردئے جائیں گے اور وہاں  اشیائے ضروریہ گھر گھر تک پہنچانے کا انتظام کیا جائے گا۔

 چیک پوسٹس پر نگرانی:   اے ایس پی نکھل بی نے کہا کہ دوسرے ہاٹ اسپاٹ اضلاع سے بھٹکل میں آنے والوں پر کنٹرول رکھنے کے لئے شیرالی، ساگر روڈ اور سرپن کٹے میں واقع پوسٹ پر زیادہ چستی برتی جائے گی اور بھٹکل میں داخل ہونے سے قبل لوگوں اور گاڑیوں کامعائنہ کرکے ان کی تفصیلات حاصل کی جائیں گی۔ اس کے علاوہ شہر میں داخل ہونے کے بعدان لوگوں پر مسلسل نگاہ رکھی جائے گی۔ان چیک پوسٹس پر کافی تعداد میں عملے کو تعینات کردیا گیا ہے۔ انہوں نے مزید کہا کہ رات کا کرفیو سختی کے ساتھ لاگو کیا جائے گا اس لئے لوگوں کو غیر ضروری طور پر گھر سے باہر نکل کر خواہ مخواہ مسائل میں پھنس جانے سے گریز کرنا چاہیے۔ شہر کے مختلف مقامات پر ’فیور کلینک قائم کیے گئے ہیں، ہر کسی کو اپنے علاقے کے فیور کلینک میں جاکر اپنا معائنہ کروالینا چاہیے۔

علاج کی سہولت:    اے سی بھرت نے  بتایا کہ بھٹکل میں کورونا کی صورت حال بنگلورو جیسی بگڑی ہوئی نہیں ہے۔ کووِڈ سے متاثر ہ افراد کو گھر میں ہی علاج کا موقع رہنے کے باوجود سرکاری اسپتال میں سہولت رہنے کی وجہ سے لازمی طور پر متاثرین کو اسپتال میں ہی رکھا جائے گا۔ اس کے لئے مقامی طور پر ہر طرح کی سہولتوں کامناسب انتظام کیا گیاہے۔

اسسٹنٹ ایس پی نکھل نے بتایا کہ حال ہی میں ہوئی ایک شادی میں شرکت کرنے والے 92افراد کے گلے سے تھوک کا نمونہ حاصل کرکے جانچ کے لئے روانہ کردیا گیا ہے۔علاج کے لئے اسپتال کی مزید سہولت فراہم کرنے کی کوشش کی جارہی ہے۔کسی بھی شخص کو خوف ودہشت میں مبتلا ہونے کی ضرورت نہیں ہے۔ لیکن بلاوجہ کسی کو بھی گھر سے باہر نکلنے سے پرہیز ضرور کرنا چاہئے۔خاص کرکے 60سال سے زیادہ عمر کے افراد اور چھوٹے بچوں کو گھومنے پھرنے سے بچنا چاہیے۔

 پریس کانفرنس میں بھٹکل تحصیلدار ایس روی چندرا بھی موجود تھے۔

ایک نظر اس پر بھی

بھٹکل میں ایک کار سے ایک گولڈ بسکٹ سمیت دو سونے کی سلاخیں برآمد کرتے ہوئے دو لوگوں کو پولس نے کیا گرفتار

بھٹکل میں بدھ کی دیر رات کو بھٹکل ٹاون پولس نے ایک کار پر سے تین گولڈ بسکٹ برآمدکرتے ہوئے  کار پر سوار دو لوگوں کو گرفتار کرلیا ہے، بعد میں آج جمعرات صبح مزید دو لوگوں کو  تحویل میں لئے جانے کی اطلاع موصول ہوئی ہے۔

ساحلی کرناٹکا میں موسلادھار بارش؛ انکولہ ۔یلاپور ہائی وے پانی میں ڈوب گیا؛ چلتی کار پرردرخت گرنے سے کاروار کا ایک شخص ہلاک؛ ہوناور کے ولکی میں پانی کمپاونڈوں میں گھس گیا

ساحلی کرناٹکا میں گذشتہ تین چار دنوں سے زوردار بارش کا سلسلہ جاری ہے جس کے نتیجے میں مختلف علاقوں سے نقصانات کی خبریں آرہی ہیں۔  یلاپور سے ملی اطلاع کے مطابق زبردست بارش کے نتیجے میں انکولہ۔یلاپور ہائی وے  پانی میں ڈوب  گیا ہے۔ یہ سڑک بند ہوجانے سے   انکولہ۔ ہبلی نیشنل ہائی ...

بھٹکل: مرڈیشور میں علاج نہ ملنے سے مریض کی موت۔ ڈاکٹر کے خلاف کارروائی کے لئے اے سی کو دیا گیا میمورنڈم

دل کا دورہ پڑنے پر مریض کو کورونا وباء کے شک میں مرڈئشور سرکاری اسپتال میں علاج کی سہولت فراہم نہ کرنے سے موت واقع ہونے کا الزام لگاتے ہوئے مریض کے گھروالوں کے علاوہ مقامی افراد نے بھٹکل اسسٹنٹ کمشنر کو میمورنڈم دیا جس میں سرکار ی ڈاکٹر کے خلاف قانونی کارروائی کا مطالبہ کیاگیا ...

کاروار؛ شمالی کینرا میں چار طلبہ نے پاس کیا سول سروس امتحان؛ ضلع میں پہلی مرتبہ 2لڑکیوں کو بھی ملی کامیابی

یونین پبلک سروس کمیشن(یو پی ایس سی) کے تحت منعقد کیے جانے والے امتحان میں امسال شمالی کینرا سے کُل 4طلبہ نے کامیابی حاصل کی ہے۔ جس میں شمالی کینرا کی تاریخ میں پہلی مرتبہ 2لڑکیاں بھی شامل ہیں۔

بھٹکل میں طوفانی ہواوں کے ساتھ زوردار بارش؛ کئی درخت اُکھڑ گئے، الیکٹرک ٹرانسفارمر سمیت کئی کھمبوں کو نقصان؛ بجلی کی انکھ مچولیاں

بھٹکل میں آج منگل صبح سے طوفانی ہواوں کے ساتھ زور دار بارش کے نتیجے میں کئی علاقوں میں درختوں کے اُکھڑنے کے ساتھ ساتھ بجلی کے کھمبوں کے گرنے اور کئی مقامات پر الیکٹرک ٹرانسفارمر کو نقصان پہنچنے کی اطلاعات موصول ہوئیں جس کی وجہ سے پورا دن  بجلی کی انکھ مچولیاں جاری رہیں۔