بھٹکل کے شمس الدین سرکل پر عام لوگوں میں ’’رحمت اللعالمینﷺ ‘‘ کنڑا کتابچہ کی تقسیم : آخری رسول ﷺہر ایک کے رہنما ہیں

Source: S.O. News Service | By Abu Aisha | Published on 20th November 2018, 5:09 PM | ساحلی خبریں | ان خبروں کو پڑھنا مت بھولئے |

بھٹکل:20؍نومبر (ایس او نیوز) اللہ کے آخری نبی ﷺ کی سیرت و پیغام کو تمام لوگوں تک پہنچانے اور ہندو مسلم میں بھائی چارگی پیدا کرنے ،غلطیفہمیوں کو دور کرنے  جیسے اہم مقاصد کو لے کر ریاستی سطح پر منائی جارہی  ’حضرت محمد ﷺ بنی نوع انسان کےعظیم رہنما‘ 15 روزہ  سیرتؐ مہم کے تحت آج جماعت اسلامی ہند بھٹکل کے رفقائے کار نے قلب شہر شمس الدین سرکل پر دعوت چھتری لگا کر ہندو ، مسلم ، عیسائی سمیت تمام لوگوں میں ’قائد اعظم ﷺ‘(لوک نایکا پروادی محمد ﷺ)  کنڑا کتابچہ اور مٹھائی تقسیم کی گئی ۔

شمس الدین سرکل پر عزیزی  غطریف رضامانوی کی تلاوت قرآن سے کتابچہ تقسیم پروگرام کا آغاز ہوا۔ اس موقع پر مہم کے کنونیر مولانا سید زبیر ایس ایم نے خطاب کرتے ہوئے کہاکہ حضرت محمدﷺ نے ہرایک انسان سے پیار و محبت سے پیش آنے کی تعلیمات دی ہیں، اللہ کے نبی ﷺ انسانیت کے لئے رحمت تھے ، جس طرح ہوا، پانی ، روشنی سب کے لئے ہے اسی طرح آخری رسول ﷺ سب طبقات کے لئے ہیں ۔

اترکنڑا ضلع مہم کے کنونیر محمد رضا مانوی نے کہاکہ آپسی تعارف اور سمجھنے سمجھانے کی کوششیں لگاتار جاری رہتی ہیں تو ہی معاشرے  میں امن و سکون ، بھائی چارگی پیدا ہوتی ہے۔ جماعت اسلامی ہند مہم کے ذریعے انسانیت کے عظیم رہنما کا آسان تعارف پیش کرنےکی کوشش کررہی ہے ، ایک دوسرے کو برداشت کرنے کی صفت پیدا کرنے کی بات کہی۔ جامعہ اسلامیہ بھٹکل کے استاذ محترم مولانامحمد اقبال نائطے ندوی کی دعاسے کتابچہ تقسیم پروگرام کا اختتام پذیر ہوا۔ اس موقع پر جماعت اسلامی ہند بھٹکل کے امیر مقامی مجاہد مصطفیٰ ، ناظم ضلع محمد طلحہ سدی باپا، ایس کے صلاح الدین، مولانا سید یاسرندوی ، قمر الدین مشائخ، شوکت خطیب ، عبدالجبار اسدی، سیف اللہ اکرمی ، ثناء اللہ اسدی سمیت کئی حضرات موجود تھے۔

ایک نظر اس پر بھی

بھٹکل کے قریب منکی ریلوے پٹری پر پائی گئی نامعلوم شخص کی ٹکڑوں میں بکھری ہوئی نعش؛ تیز رفتار ٹرین کی زد میں آکر ہلاک ہونے کا شبہ

پڑوسی تعلقہ ہوناور کے منکی  پولس اسٹیشن کے عقب میں واقع ریلوے پٹری پر ایک نامعلوم شخص کی  تکڑوں میں بکھری ہوئی نعش پائی گئی ہے جس کے تعلق سے پولس کو  شبہ ہے کہ  رات کے کسی پہر میں   یہ شخص غالباً  ریلوے پٹری کراس کررہا ہوگا جس  کے دوران تیز رفتار ٹرین کی زد میں آکر ہلاک ہوگیا ...

سولیا: پہاڑی مہم جو ٹیم کا ایک رکن ہوگیا لاپتہ۔قریبی جنگلات میں جاری ہے تلاشی مہم 

بنگلورو کی ایک کمپنی کے ملازمین کی ٹیم سبرامنیا میں واقع پہاڑی ’کمارا پروتا‘ کو سر کرنے کی مہم پر نکلی تھی۔ لیکن واپسی کے وقت ٹیم کا ایک رکن جنگلات میں اچانک لاپتہ ہوگیا ہے، جس کی شناخت سنتوش (25سال) کے طور پر کی گئی ہے۔

منڈگوڈ میں بیک وقت کئی گھروں میں چوری کی وارداتیں۔ لاکھوں روپے نقد اور زیورات چور اڑالے گئے

منڈگوڈ کے چیگلّی گرام میں ایک ہی رات میں کئی گھروں میں چوری کی وارداتیں دئے جانے کی اطلاع موصول ہوئی ہے۔ بتایا جاتا ہے کہ گزشتہ رات تین بجے کے قریب گاؤں کی مختلف گلیوں میں واقع6 گھروں کے اندر چوروں نے گھسنے اور لوٹ مچانے کی کوشش کی جس میں سے دو گھروں میں انہیں کامیابی ملی اور وہ ...

کاروار: پرائیویٹ اسکولوں میں بھی اسکاؤٹس اینڈ گائڈس کی شاخیں لازماً قائم ہوں: ڈاکٹر ہریش کمار

موجودہ حالات میں بچوں کے درمیان انسانی اقدار کی پرورش کرنا بہت ضروری ہے۔ اس سلسلےمیں پرائیویٹ اسکولوں میں بھی لازماً اسکاؤٹس اینڈ گائڈس کی شاخ کا قیام عمل میں لاکر مختلف سرگرمیوں کو انجام دینے کی اترکنڑا ڈپٹی کمشنر ڈاکٹر ہریش کمار نے ہدایات جاری کیں۔

کاروار میں ’سوچھ رتھ ‘موبائیل سواری کا اجراء: ضلع کو پاکیزہ بنانا ہم سب کی ذمہ داری ہے: جئے شری موگیر

اترکنڑا ضلع کو ’پاکیزہ ضلع‘ کی حیثیت سے ترقی دینا ہم سب کی ذمہ داری ہے۔ ضلع کو ریاست کا پہلا گندگی سے پاک ضلع بنانے کے لئے ہم سب کو کام کرنا ہے۔ اترکنڑا ضلع پنچایت کی صدر جئے شری موگیر نے ان خیالات کا اظہار کیا۔

سولیا: پہاڑی مہم جو ٹیم کا ایک رکن ہوگیا لاپتہ۔قریبی جنگلات میں جاری ہے تلاشی مہم 

بنگلورو کی ایک کمپنی کے ملازمین کی ٹیم سبرامنیا میں واقع پہاڑی ’کمارا پروتا‘ کو سر کرنے کی مہم پر نکلی تھی۔ لیکن واپسی کے وقت ٹیم کا ایک رکن جنگلات میں اچانک لاپتہ ہوگیا ہے، جس کی شناخت سنتوش (25سال) کے طور پر کی گئی ہے۔

 ای۔ ٹکٹ میں جعلسازی کے ذریعے منگلورو ایئر پورٹ پر غیر مجاز شخص کا داخلہ۔ ملزم گرفتار

بینہ طور پر ای۔ ٹکٹ میں جعلسازی کرتے ہوئے اپنا نام داخل کرکے منگلورو انٹرنیشنل ایئر پورٹ کے اندر ایک غیر مجاز شخص کے داخل ہونے کا معاملہ سامنے آیا ہے جس کے بعد سنٹرل انڈسٹریل سیکیوریٹی فورس کے افسران نے مذکورہ شخص کو حراست لے کر پولیس کے حوالے کردیا ہے۔