بھٹکل:13؍دسمبر(ایس اؤ نیوز) مغربی گریجویٹ حلقہ کے لئے ہونےو الے انتخابات کی تیار ی کولےکر بھٹکل 107 حلقہ کی رائے دہندگان کی فہرست 07دسمبر 2019کو تحصیلدار دفتر کے نوٹس بورڈ پر عوام کی جانکاری کے لئے چسپاں کی گئی ہے۔پریس ریلیز کے ذریعے  عوام سے اپیل کی گئی ہے کہ وہ چسپاں کردہ فہرست میں اپنا نام وغیرہ کو چک کرلیں ۔

تحصیلدار کی طرف سے جاری کردہ پریس ریلیز کے مطابق متعلقہ فہرست میں اگر کسی کا نام نہیں ہے اور کسی  نے اپنا نام ابھی تک درج نہیں کرایا ہے تو ان کے لئے 23دسمبر 2019تک موقع فراہم کیاگیا ہےکہ نئے طورپر اپنا نام درج کرنے کے علاوہ ترمیم اور اعتراض کے لئے بھی موقع دیاگیا ہے۔  

خیال رہے کہ گریجویٹ حلقہ کے لئے ہونے والے انتخابات کی مناسبت سے گریجویٹ ووٹر لسٹ کی تجدیدکاری کا پروگرام جاری ہے۔ انتخابات سے پہلے ووٹر لسٹ کی تشکیل کی جاتی ہے۔ جو مرد وخواتین 31-10-2016سے پہلے ڈگری کی سندیا اس کی مساوی سند رکھتے ہیں وہ سب فارم بھرتی کرکے اپنا نام درج کراسکتےہیں۔پُرکردہ  فارم کے ساتھ  افراد اپنی ڈگری کا مارکس کارڈ یا سندیا پاسنگ سرٹیفکٹ، کانویکیشن میں سے کسی ایک کی گزیٹیٹڈ افسر کی دستخط کردہ نقل، آدھار کارڈ کی نقل اور حالیہ پاسپورٹ سائز کا ایک فوٹو منسلک کرنا ہوگا۔