بھٹکل:14؍فروری(ایس اؤ نیوز) بھٹکل اربن آپریٹیو بینک کی نئی انتظامیہ کے لئے جمعہ کو نیو انگلش اسکول میں انتخابات منعقد ہوئے جس کے بعد 13نئے ڈائرکٹروں کے منتخب ہونے کا الیکشن کمشنر وی ایچ گوڈا نے اعلان کیا۔
13ڈائرکٹروں کے لئے انتخابات میں تین بلا مقابلہ منتخب ہوئے تو بقیہ 10ڈائرکٹروں کے لئےووٹنگ ہوئی۔ کل 22امیدوار میدان میں تھے۔ منتخب ہوئے ڈائرکٹروں کے نام اس طرح ہیں۔
عام حلقہ جات سے محمد زیبر محی الدین کولا (484 ووٹ)۔ مدھوکیشور رام کرشنانائک (475)۔ سائمن لینا ڈیسوزا(439)۔ امتیاز احمد عثمان جوباپو(359)۔ جعفر صادق اسماعیل شاہ بندری (341)۔ پسماندہ طبقہ (اے ) حلقہ سے شری دھر بھئیرپا نائک (449)۔ پسماندہ طبقہ (ب)حلقہ سے وکٹر گومس (بلا مقابلہ )۔ ایس سی ریزرو حلقہ سے ماستی سنکیا موگیر (479)۔ایس ٹی ریزرو حلقہ سے سنتوش ناگیا گونڈ(بلا مقابلہ ) ۔ خاتون ریزرو حلقہ سے سندھیا پربھو(503) اور پروین بابی ملا (489)۔ دکشن کنڑا ضلع عام حلقہ سے لبنہ ایچ ایس بنت شیخ عبداللہ (18) اور اُڈپی ضلع عام حلقہ سے عبدالمجید چوگلے (بلا مقابلہ)۔