بھٹکل: گُلمی علاقہ میں کنووں میں گھس آیا انڈرگراونڈ ڈرینیج کا پانی
بھٹکل ،25؍ اپریل (ایس او نیوز) شہر کے گلمی علاقے میں یو جی ڈی چیمبر کا پانی آس پاس کے کنووں میں گھسنے سے مقامی افراد سخت پریشانی کا شکار ہوگئے ہیں۔ ایک طرف کووِڈ لاک ڈاون نے جینا دوبھر کردیا ہے تو دوسری طرف گندا پانی کنووں میں گھسنے کی وجہ سے اس شدت کی گرمی میں 50 تا 60 گھروں میں پینے کے پانی کے لالے پڑ گئے ہیں۔
گزشتہ بار جو یو جی ڈی کا کام بڑے پیمانے پر ہوا تھا اس کے بعد شہر کے تقریباً ہر علاقے میں اس طرح کے مسائل کھڑے ہوگئے ہیں۔ گلمی کا مسئلہ وہاں کے مقامی افراد کے مطابق یہ ہے کہ جب بھی سڑک کے درمیان واقع مین چیمبر بلاک ہوجاتا ہے تو وہاں سے گندا پانی اطراف کے کنووں میں رسنے لگتا ہے اور لوگوں کے لئے پریشانی کا سامنا کرنا پڑتا ہے۔ اور یہ مسئلہ بار بار کھڑا ہوتا ہے ۔ ایک مقامی فرد تلسی داس نے بتایاکہ جب بھی چیمبر بلاک ہوکر پانی کنووں میں گھستا ہے تو وہ پانی نہ پینے لائق کے رہتا ہے نہ کسی اور استعمال کے قابل ہوتا ہے۔ اس کے علاوہ گندے پانی کے نالے بھی ابل رہے ہیں ۔ آخر مقامی لوگ اس مسئلہ کو حل کرنے کے لئے کس کے پاس جائیں ۔
کانگریس مائناریٹی سیل کے ضلع صدر عبدالمجید نے بتایا کہ اس ضمن میونسپالٹی کاونسلرس اور افسران نے سے کئی بار شکایت کی گئی اور ان مسائل کو حل کرنے کی درخواست کی گئی ، لیکن کوئی فائدہ نہیں ہوا ہے۔ اب ڈپٹی کمشنر کے پاس شکایت لے کر جانا باقی رہ گیا ہے۔