بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

Source: S.O. News Service | By I.G. Bhatkali | Published on 22nd May 2019, 8:19 PM | ساحلی خبریں | ان خبروں کو پڑھنا مت بھولئے |

بھٹکل 22/مئی (ایس او نیوز)  رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

 اس موقع پر اس بار رمضان کے آخری  دس بارہ دنوں کے لئے   باکڑہ کا کرایہ  2500 سے بڑھا کر سیدھا 4150  روپیہ کیا گیا تھا جس پر  عوام نے سخت ناراضگی ظاہر کرتے ہوئے احتجاج کیا اور اس  بات کی ضد پکڑ کر بیٹھ گئے کہ جب تک کرایہ کم نہیں کیا جائے گا، وہ نیلامی کی کاروائی شروع کرنے نہیں دیں گے۔

کافی احتجاج اور زبانی تکرار کے بعد بالاخر میونسپل چیف آفسر نے  باکڑوں کا کرایہ گھٹا کر 3250 روپیہ کردیا جس کے بعد ہی قرعہ اندازی کے ذریعے نیلامی کی کاروائی شروع ہوئی۔

خیال رہے کہ رمضان باکڑہ  کا درخواست فارم سو روپئے میں فروخت کیا گیا تھا۔

نیلامی کی کاروائی کے دوران ہزار سے زائد لوگ میونسپالٹی عمارت میں  اوپر سے لے کر نیچے تک یہاں تک کہ سیڑھیوں پر بھی کھڑے  تھے۔

یاد رہے کہ رمضان کے آخری عشرہ میں  بھٹکل اولڈ بس اسٹائنڈ سے ماری کٹہ تک  سڑک کے کنارے  میونسپالٹی کی جانب سے  باکڑوں کے لئے مارکنگ بناکر دی جاتی ہے،  اس بار جملہ 58 باکڑوں کی نشاندہی کی گئی تھی، جس میں سے  16 باکڑے اُن دکانوں کے لئے مختص کئے گئے جن  کی متعلقہ راستے پر دکانیں   پائی جاتی ہیں، ایک باکڑہ پولس کے لئے اور ایک باکڑہ  ایمرجنسی کے لئے مختص کی گئی، اس طرح بقیہ 40 باکڑوں کی نیلامی عمل میں آئی۔

 

ایک نظر اس پر بھی

ہبلی ۔دھارواڑ قومی شاہراہ پر ٹپر اور منی بس کے درمیان خطرناک  تصادم :12ہلاک ،کئی زخمی

  ٹِپّر اور منی بس کے درمیان  پیش آئے ایک خطرناک سڑک حادثےمیں 12لوگوں کی موت واقع ہوگئی جبکہ کئ لوگ  زخمی ہوگئے۔ حادثہ جمعہ کی علی الصبح اُس وقت پیش آیا جب ہبلی اور  دھارواڑ کے  درمیان واقع اِٹّی گٹّی کے قریب منی بس جس پر 17 لوگ سوار تھے سامنے سے آرہی ریت سے بھری ٹپر سے ...

کاروار میں 297غیر قانونی عمارات کو نوٹس جاری : قانون کی خلاف ورزی کرتےہوئے تعمیر کئے گئے عمارات پر میونسپالٹی کی کارروائی

شہر میں بغیر منظوری کے تعمیر کئے گئے 297عمارات کی نشان دہی کرتےہوئے میونسپالٹی کی جانب سے مالکان کے نام نوٹس جاری کی گئی ہے۔ میونسپالٹی سے اجازت لئے بغیر تعمیر کی گئی عمارات، زیادہ منزلیں تعمیر کی گئیں  رہائشی اور تجارتی عمارات  اس فہرست میں شامل ہیں۔

بھٹکل میں کل سنیچر سے کوویڈ۔19 ویکسینیشن کا عمل شروع؛ پہلے مرحلے میں ہیلتھ ورکرس کو دئے جائیں گے انجکشن

بھٹکل میں کل سنیچر 16 جنوری سے کوویڈ۔19 کا ویکسی نیشن دینے کا عمل   بھٹکل تعلقہ سرکاری اسپتال میں  شروع ہورہا ہے جس کے لئے آج  جمعہ کو   ضروری تیاریاں مکمل کرلی گئیں اور  اسٹاف کو  ویکسی نیشن کے تعلق سے ضروری تربیت اور جانکاری فراہم  کی گئی ہے  کہ کس طرح یہ انجکشن لگانا ہے اور ...

کاروار: پی یو سی میں زیر تعلیم دوطلبا نے اپنی ذہانت سے تیار کی  بیٹری سے چلنے والی الکٹریکل سائیکل

پٹرول اور ڈیزل کی دن بدن بڑھتی مہنگائی اور اس کے استعمال سےہونےو الی ماحولیاتی آلودگی کو دیکھتے ہوئے حالیہ دنوں میں الکٹریکل سواریوں کی مانگ میں اضافہ دیکھا جارہاہے۔ اسی سے ترغیب پاکر کالج کے  دو طلبا نے بہت ہی کم خرچ پر بیٹری سے چلنے والی سائیکل تیارکرتےہوئے مثال پیش کی ہے۔