بھٹکل میونسپالٹی افسران نے مارا مختلف دکانوں پر چھاپہ : سوکلو سے زائد پلاسٹک تھیلے ضبط، ہزاروں روپئے جرمانہ

Source: S.O. News Service | By I.G. Bhatkali | Published on 23rd August 2019, 12:49 AM | ساحلی خبریں |

بھٹکل:22/اگست (ایس اؤ نیوز) حکومت کی جانب سے پلاسٹک تھیلوں کے استعمال پر پابندی عائد کرنے کے بعدبھٹکل میونسپالٹی افسران وقفے وقفے سے مختلف  دکانوں پر چھاپے مار کر پلاسٹک تھیلیوں کو ضبط کررہے تھے، مگر اب اس میں سختی پیدا کرتے ہوئے پلاسٹک تھیلیوں کو ضبط کرنے کے ساتھ ساتھ  دکانوں پر جرمانہ بھی عائد کیا جارہا ہے۔ آج جمعرات کو  میونسپالٹی حکام نے  2ٹیموں کو ترتیب دیتےہوئے  میونسپالٹی حدود کی  مختلف دکانوں پر چھاپہ مارتے ہوئےسو کلو سے بھی زائد  پلاسٹک تھیلیوں کو ضبط کرلیا ہے۔  ساتھ ساتھ دکانداروں پر قانون کی خلاف ورزی کرنے کا الزام عائد کرتے ہوئے اُن پر  جرمانہ بھی عائد کیا گیا ہے۔

نوائط کالونی اور  مدینہ کالونی حدود میں ماحولیاتی افسر وینکٹیش ناؤڈا کی ٹیم نے   مختلف دکانوں میں چھاپہ مار کاروائی کی تو دوسری طرف   ترکاری مارکیٹ اور  پرانے بس اسٹانڈ کے اطراف بلدیہ کی سنئیر صحت عامہ کی افسر سوجیا سومن کی قیادت والی ٹیم نے مختلف دکانوں پر چھاپہ مارا۔ بلدیہ انجنئیر امیش مڈیوال ، دیانند دیسائی  و دیگر عملہ اس  کارروائی میں شریک تھا۔  بتایاگیا ہے کہ جمعہ کو بھی چھاپہ ماری جاری رہے گی۔ 

اخبارنویسوں سے گفتگو کرتے ہوئے صحت عامہ آفسر سوجیا سومن نے بتایا کہ پلاسٹک تھیلوں پر حکومت کی طرف سے پابندی عائد کرنے کے تعلق سے بار بار دکانداروں کو  خبر دی گئی تھی، اس کے باوجود دکاندار پلاسٹک تھیلوں کا استعمال کرتے ہوئے پائے گئے ہیں، انہوں نے بتایا کہ اس سے  پہلے صرف پلاسٹک تھیلیوں  کو ضبط کیا گیا  تھا، مگر اب  پلاسٹک تھیلیوں کو ضبط کرنے کے ساتھ ساتھ  پہلی بار دکانداروں پر جرمانہ بھی عائد کیا گیا ہے۔ انہوں نے بتایا کہ پہلی بار 500 روپئے تا 1000 روپیہ تک جرمانہ عائد کیا جائے گا، دوسری بار اُس کا دوگنا جرمانہ ہوگا جبکہ تیسری بار دوسری مرتبہ کا دوگنا جرمانہ عائد کیا جائے گا، تین مرتبہ پکڑے جانے کے بعد بھی اگر پلاسٹک تھیلے دکانوں سے  برآمد ہوتے ہیں تو  پھر متعلقہ دکانداروں کے خلاف  کیسس فائل کئے جائیں گے۔

سوجیا سومن نے یہ بھی بتایا کہ  اگر کوئی شخص اپنے ہاتھ میں پلاسٹک تھیلا لے کر جاتا ہوا دیکھا گیا تو اُس پر بھی کاروائی ہوگی  اور پہلی مرتبہ پکڑے جانے پر سو روپیہ، دوسری  اور تیسری بار اُس کا دُگنا  جرمانہ عائد کیا جائے گا اور تین بار کے بعد بھی اگر کوئی شخص پلاسٹک تھیلے کے ساتھ پکڑا جاتا ہے تو پھر اُس کے خلاف کیس فائل کیا جائے گا۔ انہوں نے عوام الناس سے اپیل کی کہ وہ پلاسٹک تھیلوں کا استعمال بند کردیں، یہ صحت کے لئے بے حد مضر ہے، جس کو دیکھتے ہوئے حکومت نے پلاسٹک تھیلوں کے استعمال پر مکمل پابندی عائد کی ہے۔

ایک نظر اس پر بھی

کاروار: ہندو دھرم کے خلاف ہتک آمیز بیان دینے والے ملزمین کو عدالت نے دی 3سال قید اور 14ہزار روپے جرمانے کی سزا

ہندو دھرم چھوڑ کر عیسائیت قبول کرنے پر بہت ساری امداد اورسہولتیں فراہم کرنے کی باتیں کہہ کر ہندودھرم کے خلاف ذہن سازی کرنے والے ملزم کو چیف جوڈیشیل میجسٹریٹ نے 3سال کی قیداور14ہزار روپے جرمانے کی سزا سنائی ہے۔

سی اے اے کیخلاف قرار دادیں ’’دستوری اعتبار سے بھیانک غلطی‘‘ ، کوئی طاقت کشمیری پنڈتوں کو کشمیر واپس جانے سے نہیں روک سکتی ؛ منگلورو میں ریالی سے راجناتھ سنگھ کا خطاب

وزیر دفاع راجناتھ سنگھ نے آج اپوزیشن پارٹیوں کو ہدف تنقید بناتے ہوئےاُن سے خواہش کی ہے کہ یہ پارٹیاں ‘ جہاں اُن کی اکثریت ہے، ریاستی اسمبلیوں میں سی اے اے کیخلاف قرار دادیں منظور کرتے ہوئے ’’دستوری اعتبار سے بھیانک غلطی ‘‘ نہ کریں۔ راجنا تھ سنگھ نے اپوزیشن پارٹیوں کو مشورہ ...

بھٹکل انجمن پی یو کا لج فار ویمن میں اکہترواں یومِ جمہوریہ

بھٹکل کے دیگر اسکولوں اور کالجوں کی طرح ہر سال کی طرح امسال بھی  انجمن  پی یو کالج فور ویمن میں 71 واں  یوم جمہوریہ منایا گیا جس کے تحت   انجمن پی۔یو۔کالج فار ویمن بھٹکل کے خدیجہ سید علی کیمپس کے احاطے  میں پرنسپل ڈاکٹر  فر زانہ محتشم کی زیرِنگرانی ایک چھوٹی سی تقریب کا انعقاد ...