بھٹکل میونسپالٹی افسران کی دکانوں پر چھاپہ ماری : پلاسٹک اشیاء ضبط
بھٹکل:18/ اگست (ایس اؤ نیوز) بھٹکل تعلقہ بلدیہ حدود کے مین روڈ کے دونوں کناروں پر واقع مختلف دکانوں پر چھاپہ ماری کرتے ہوئے بلدیہ افسران نے دکانوں میں غیر قانونی طورپر استعما ل کئے جارہے قریب 50کے جی وزنی پلاسٹک تھیلیوں کو ضبط کر لیا۔
بھٹکل شہر کی صفائی کے پیش نظر پلاسٹک تھیلیوں کے استعمال پر پابندی لگائی گئی ہے۔ چھاپہ ماری کے دوران افسران نے فی الحال پلاسٹک کو ضبط کرتے ہوئے انہیں سخت تنبیہ کی ہے کہ وہ پلاسٹک کا استعمال پوری طرح بند کریں، اگر دوبارہ پلاسٹک کی تھیلیاں یا دوسری اشیاء نظر آئیں تو جرمانہ عائد کرنے کا انتباہ دیتے ہوئے افسران نے قانون پر عمل آوری کی بات کہی۔ سنئیر صحت عامہ کی نگراں کار افسر سوجیا سومن، افسر اجئے بھنڈارکر سمیت دیگر عملہ موجود تھا۔