بھٹکل میں سوچھتا ہی سیوا ،پلاسٹک پابندی جاتھا پروگرام
بھٹکل:09؍اکتوبر(ایس اؤ نیوز)کرناٹکا حکومت تعلقہ انتظامیہ ، تعلقہ پنچایت، بھٹکل میونسپالٹی ، پٹن پنچایت جالی ، مختلف محکمہ جات اور تنظیموں اور اداروں کے اشتراک سے ’’سوچھتا ہی سیوا‘‘ کے موضوع پر پلاسٹک پر پابندی عائد کرنےو الے جاتھا پروگرام کو بھٹکل اسسٹنٹ کمشنر ساجد ملا نے ہری جھنڈی دکھائی۔
بھٹکل میونسپالٹی صحن سے شروع ہوئی پلاسٹک ممنوع ریلی ماری کٹا، پھول بازار، آنند آشرم کانونٹ میدان پہنچ کر اختتام کو پہنچی۔ پلاسٹک ممنوع جاتھا میں تحصیلدار وی پی کوٹرولی، چیف آفیسر دیوراج ، تعلقہ پنچایت افسر لکشمی نارائن سوامی ، جالی پنچایت چیف آفیسر وینو گوپال شاستری ، ہیسکام انجنئیر، بلدیہ صحت عامہ افسر سوجیا سومن وغیرہ موجود تھے۔ اس سے پہلے دی نیو انگلش پی یوکالج کے طلبا نے پلاسٹک پرپابندی کے متعلق پیش کیاگیا نکڑ ناٹک عوامی بیداری میں معاون ثابت ہوا۔ بھٹکل سرکاری ڈگری کالج ، انجمن ڈگری کالج ، این سی سی شعبہ اور گرو سدھیندار کالج کے طلبا جاتھا میں شریک تھے۔