بھٹکل 4/مئی (ایس او نیوز) ٹاؤن میونسپل کاؤنسل بھٹکل کے 23وارڈوں کے لئے 29مئی کو انتخابات منعقد ہونے والے ہیں جس کے لئے وارڈوں کا ریزرویشن کچھ اس طرح کیا گیا ہے۔

وارڈ نمبر 1بیک ورڈ کلاس (اے) خاتون، وارڈ نمبر 2 عام امیدوار، وارڈ نمبر3 بیک ورڈ کلاس (بی) خاتون، وارڈ نمبر4 عام امیدوار، وارڈ نمبر5 ایس ٹی، وارڈ نمبر 6 بیک ورڈ کلاس (اے)، وارڈ نمبر 7 عام خاتون امیدوار، وارڈ نمبر 8 بیک ورڈ کلاس (بی)، وارڈ نمبر9 بیک ورڈ کلاس (اے)خاتون، وارڈ نمبر11 عام امیدوار، وارڈ نمبر12 بیک ورڈ کلاس (اے)، وارڈ نمبر 13، عام خاتون، وارڈ نمبر 14 بیک ورڈ کلاس (اے) خاتون، وارڈ نمبر15 عام، وارڈ نمبر 16 عام، وارڈ نمبر 17 بیک ورڈ کلاس (اے)، وارڈ نمبر 18 عام خاتون امیدوار، وارڈ نمبر 19 ایس سی، وارڈ نمبر 20عام امیدوار، وارڈ21 عام خاتون امیدوار، وارڈ نمبر 22 عام خاتون امیدواراور وارڈ نمبر 23 عام امیدوارکے لئے مختص کیے گئے ہیں۔

    بھٹکل میونسپالٹی کی یہ روایت رہی ہے کہ زیادہ تر امیدوار علاقہ وار جماعتوں کے مشورے سے تنظیم کی حمایت کے ساتھ کاونسلر منتخب ہوتے ہیں۔ سابقہ میعاد میں 23 سیٹوں میں سے 17سیٹوں پر تنظیم کے حمایت کردہ امیدوار منتخب ہوئے تھے۔بقیہ 4آزاد،1کانگریس اور 1جے ڈی ایس پارٹی سے وابستہ ارکان کاونسل تھے۔توقع یہی ہے کہ اس مرتبہ بھی تنظیم کی حمایت کردہ اراکین کی ہی اکثریت ٹی ایم سی میں نمائندگی کے لئے منتخب ہوگی۔خیال رہے کہ تنظیم کی حمایت سے اتنی بڑی تعداد میں بلامقابلہ کاونسلرز منتخب کیے جانے کی یہ روایت ایک ایسی مثال ہے جو ریاست کے کسی بھی مقام پر کسی بھی سماجی ادارے کی طرف سے دیکھنے کو نہیں ملتی۔