بھٹکل میں ماسک نہ پہننے والوں پر کاروائی؛ صبح سے دوپہر تک 68 لوگوں پر عائد کیا گیا جرمانہ؛ باہر سے بھٹکل آنے والوں پر رکھی جارہی ہے نگاہ

Source: S.O. News Service | By I.G. Bhatkali | Published on 18th April 2021, 11:17 PM | ساحلی خبریں |

بھٹکل 18/اپریل (ایس او نیوز) بھٹکل ٹاون میونسپالٹی اور جالی پٹن پنچایت کے آفسران نے  ماسک نہ پہننے والوں کے خلاف آج اتوار کو مشترکہ مہم چلاتے ہوئے  68 لوگوں سے 6800 روپیہ جرمانہ وصول کیا ہے۔

ریاست میں کورونا کے بڑھتے معاملات کو دیکھتےہوئے  ریاستی حکومت نے  ماسک پہننا لازمی قرار دیا ہے،ساتھ ساتھ ضلعی انتظامیہ پر زور دیتے ہوئے  سماجی فاصلہ رکھنے سمیت کئی دیگر  رہنما اُصول  اپنانے  کی بھی ہدایات جاری کی ہیں، جس کو دیکھتےہوئے بھٹکل میں آج اتوار کو سنتے مارکٹ کے داخلی راستہ پر ہی  اہلکار کھڑے ہوگئے اور ہر اتوار  کو لگنےوالے سنتے  میں  ماسک نہ پہن کر آنے  والوں کو پکڑنا شروع کردیا۔ 

یاد رہے کہ ریاست کی راجدھانی بنگلور میں کورونا کے  معاملات میں بے تحاشہ اضافہ ریکارڈ کیا جارہاہے اور روزانہ دس ہزار اور گیارہ ہزار کورونا کےکیسس سامنے آرہےہیں، ایسے میں بھٹکل کے  لوگوں کا بنگلور سے بھٹکل آنا جانا  جاری ہے جس کو دیکھتےہوئے  بھٹکل میں اب بنگلور سے بھٹکل آنے والوں کا کورونا ٹیسٹ لئے جانے کا انتظام بھی کیا جارہاہے   اور باہر سے آنے والے مسافروں پر کڑی نگاہ رکھی جارہی ہے۔

آج اتوار صبح قریب 9:30 بجے سے ایک بجے تک  ماسک نہ پہننے والوں کے خلاف مہم چلائی گئی جس میں  میونسپل  ہیلتھ آفسر سوجیا کے مطابق  6800روپیہ جرمانہ وصول کیا گیا ہے۔

کاروائی میں  بھٹکل میونسپل چیف آفسر دیوراج، پٹن پنچایت چیف آفسر  اجئے بھنڈارکر،  اہلکار ونائک نائک،  اسماعیل گُبّی، انور  بالوروغیرہ بھی موجود تھے۔

ایک نظر اس پر بھی

بھٹکل میں کورونا معاملات میں ہورہا ہے اضافہ؛ آج بھی 64 کی رپورٹ آئی پوزیٹیو؛ بھٹکل میں سات علاقوں کوقرار دیا گیا کنٹیمنٹ زون

جس طرح ریاست کرناٹک میں اب ضلع اُترکنڑا میں کورونا کے معاملات میں روز بروز اضافہ دیکھا جارہا ہے اور ضلع اُترکنڑا پوری ریاست میں کورونا پوزیٹیو معاملات میں  تیسرے نمبر پر پہنچ گیا ہے، اُسی طرح بھٹکل میں بھی کورونا کے معاملات میں  تشویش کی حد تک اضافہ دیکھا جارہاہے۔

بھٹکل: شمالی کینرا میں کووڈ وباء کا بدلتا منظر نامہ : سب سے آخری پوزیشن والا ضلع پہنچ گیا سب سے آگے ؛ کون ہے ذمہ دار ؟

کورونا کی دوسری لہر جب ساری ریاست کو اپنی لپیٹ میں لے رہی تھی تو ضلع شمالی کینرا پوزیٹیو معاملات میں گزشتہ لہر کے دوران سب سے آخری پوزیشن پر تھا۔ لیکن پچھلے دو تین دنوں سے بڑھتے ہوئے پوزیٹیو اورایکٹیو معاملات کی وجہ سے اب یہ ضلع ریاست میں سب سے  اوپری درجہ میں پہنچ گیا ہے۔ بس ...

کورونا کرفیو کی وجہ سے لاری ڈرائیوروں کو سفرکے دوران کھانے پینے اور لاری کی مرمت کا مسئلہ درپیش:ڈرائیور، کلینر اور گیاریج والوں کی زندگی پنکچر

کورونا وائرس پر لگام لگانے کے لئے حکومتوں کی طرف سے  نافذ کئے گئے سخت کرفیو کی وجہ سے ہوٹل ، ڈھابے ،گیاریج ، پنکچر کی دکانیں وغیرہ بند ہیں ، جس کے نتیجے میں  ضروری اشیاء سپلائی کرنےوالی لاریوں کے ڈرائیوروں کو سفر کے دوران میں کئی مشکلات درپیش ہیں۔

کرناٹکا میں کورونا کے بڑھتے معاملات کے چلتے سرکاری اسپتالوں میں ڈیالسس کی خدمات بند : حکومت کی خاموشی پر فاؤنڈیشن کا اقدام

پیشگی احتیاطی تدابیر اورمنظم و منضبط نظام کے بغیر  کورونا وائرس پر  کنٹرول کرنے میں ناکامی  اور کووڈ ٹیکہ  کی سپلائی بند ہوجانے سے ایک طرف عوام پہلے سے پریشان ہیں، ایسے میں    حکومت کی ایک  اورنظرا ندازی  نے ریاست کرناٹک کے ہزاروں ڈیالسس کے مریضوں کو مشکلات میں ڈال دیا ہے۔

بھٹکل سمیت ساحلی کرناٹکا میں 'ٹاوکٹے' طوفان کا اثر؛ طوفانی ہواوں کے ساتھ جاری ہے بارش؛ کئی مکانوں کی چھتیں اُڑ گئیں، بھٹکل میں ایک کی موت

'ٹاوکٹے' طوفان جس کے تعلق سے محکمہ موسمیات نے پیشگی  اطلاع دی تھی کہ    یہ طوفان  سنیچر کو کرناٹکا اور مہاراشٹرا کے ساحلوں سے ٹکرارہا ہے،   اس اعلان کے عین مطابق  آج سنیچر صبح سے  بھٹکل سمیت اُترکنڑا اور پڑوسی اضلاع اُڈپی اور دکشن کنڑا میں طوفانی ہواوں کےساتھ بارش جاری ہے جس ...

ساحلی کرناٹکا میں 'ٹاوکٹے' طوفان کی دستک ۔ محکمہ موسمیات نے جاری کیا 16 مئی تک ریڈ الرٹ

ساحلی کرناٹکا کی طرف  بڑھتے  'ٹاوکٹے' طوفان کے پیش نظرمحکمہ موسمیات نے 16مئی تک ریڈ الرٹ جاری کرتے ہوئے مچھیروں اور عوام الناس کو دریا، سمندراورنشیبی و ساحلی علاقوں سے دور رہنے کی ہدایت دی ہے۔