بھٹکل:26؍ستمبر(ایس اؤ نیوز) سنٹرنگ کام کے لئے بدھ کے روز  شرالی کے الویکوڑی  جاکر آنے کی بات کہہ کر گھر سے نکلا ہوا  ایک شخص 24 گھنٹے گذرنے کے بعد بھی واپس گھر نہ لوٹتے ہوئے اچانک لاپتہ ہو گیا ہے۔

بھٹکل تعلقہ کے شرالی تٹی ہکل کے مکین نارائن سبرائے دیواڑیگا (35)  سنٹرنگ کا کام کرتا تھا۔ اس کی  6 ماہ پہلے  شادی ہوئی تھی ۔ منگل کی رات اپنی بیوی کے گھریعنی تعلقہ کے  بائیلور کے سن بلسے میں قیام کرنے کے بعد بدھ کی صبح شرالی تٹی ہکل واپس  اپنے گھر آیا،   اپنے ایک دوست سے ملاقات کی ۔  وہاں سے قریب کے ہی ایک گھر میں جاری سنٹرنگ کام کے لئے  نکلا تھا  ۔ مگر اُس کے بعد سے ہی وہ لاپتہ ہوگیا ہے۔

موصولہ اطلاعات کے مطابق نارائن نے اپنی بیوی کو بتایا تھا کہ وہ   شام کو گھر لوٹ کر اُسے  اسپتال لے جائے گا۔ لیکن شام کو جب نارائن  گھر نہیں لوٹاتو بیوی نے نارائن کے موبائیل سے رابطہ کرنے کی کوشش کی  مگر  اُس کا  موبائیل سوئچ آف ہے۔

بھٹکل مضافاتی پولس تھانہ میں شکایت درج کی گئی ہے، پولس جانچ میں جٹ گئی  ہے۔