بھٹکل تعلقہ پنچایت میٹنگ میں اکثر افسران غیر حاضر ہونے سے میٹنگ ملتوی
بھٹکل:28؍جنوریمنگل کوطئے ہوئی بھٹکل تعلقہ پنچایت کی عام میٹنگ میں اکثر سرکاری افسران غیر حاضر رہنے کی وجہ سے میٹنگ 5فروری تک ملتوی کئے جانے کا واقعہ پیش آیا ہے۔(ایس اؤ نیوز)منگل کوطئے ہوئی بھٹکل تعلقہ پنچایت کی عام میٹنگ میں اکثر سرکاری افسران غیر حاضر رہنے کی وجہ سے میٹنگ 5فروری تک ملتوی کئے جانے کا واقعہ پیش آیا ہے۔
میٹنگ شروع ہوتے ہی ممبران وشنو دیواڑیگا، ہنومنت نائک، پاشورناتھ جین ، جئے لکشمی گونڈ وغیرہ نے اعتراض جتایا کہ تعلقہ کے کسی بھی محکمہ کے دفاتر میں پنچایت ممبران کا احترام نہیں کیا جارہاہے، عوام کے مسائل پر توجہ نہیں دی جارہی ہے ، ہر مرتبہ لاچار ہوکر کھڑے رہنے کے حالات ہیں۔ ہر گرام میں سنگ بنیاد رکھی جاتی ہے، لیکن کسی بھی تعلقہ پنچایت ممبر کو خبر ہی نہیں رہتی ، رات کو فون کرکے صبح میں شریک ہونے کی دعوت دی جاتی ہے، ہم اپنے مسائل کس کے سامنے پیش کریں۔ میٹنگ میں پیش کرنے کی کوشش کرتے ہیں تو کوئی افسر بھی میٹنگ کو نہیں آتا۔35سرکاری محکمہ کے دفاتر میں سے صرف 10-11محکمہ کے افسران ہی شریک ہوتے ہیں بقیہ کے متعلق کون پوچھے گا۔ افسران پنچایت کے متعلق بہت ہی غفلت برتتے ہیں۔ ان کی نظر اندازی گویا ہماری بے عزتی ہے، یہ تعلقہ پنچایت کا سوال ہےکہتے ہوئے اپنی برہمی کا اظہار کیا۔
پنچایت صدر ایشور نائک نے اس کی حمایت کرتے ہوئے کہاکہ ممبران کے اعتراض میں سچائی ہے، منگل کی صبح 30-10بجے میٹنگ طئے ہوتی ہے اور 30-11بجے تک بھی اکثر افسران غیر حاضر ہیں۔ زیادہ افسران نہیں ہونے کی وجہ سے میٹنگ ملتوی کرنے کا اعلان کیا۔ تعلقہ پنچایت اسٹانڈنگ کمیٹی چیرمن مہابلیشور نائک، ممبران میناکشی نائک، مالتی دیواڑیگا، محسن جکا، گوری دیواڑیگاوغیرہ موجود تھے۔