بھٹکل:2؍ جنوری (ایس اؤ نیوز) شوٹکان کراٹے انسٹی ٹیوٹ کی جانب سے شارداہولے نامدھاری ہال میں منعقدہ تعلقہ لیول کراٹے چمپئین مقابلوں میں بھٹکل کی دی نیو انگلش اسکول نے چمپئین شب کا خطاب جیت لیا ہے، جبکہ  مرڈیشور کراٹے اسکول  کو ان مقابلوں میں دوسرا مقام حاصل ہوا ہے۔  مقابلوں میں  تعلقہ  کے  مختلف اسکولوں کے طلبا شریک ہوئے تھے۔

گرانڈ چمپئن کے حق دار  محمد شمّا س  رہے تو منجوناتھ دیواڑیگا نے   رنر اپ کا خطاب جیتا۔ رکن اسمبلی سنیل نائک، ہلےکوٹے ہنومنت مندر کے صدر سبرائے نائک بینا وئیدیا پبلک اسکول کی  مینجر پشپ لتا ایم ایس نے انعامات کی تقسیم کی ۔ کراٹے استاد ہنی راجن ، امیش موگیر، ایشورنائک، منوج نائک اور سریش موگیر موجود تھے۔