بھٹکل :19؍جولائی (ایس اؤ نیوز) بھٹکل تعلقہ میں ہورہی موسلا دھار بارش کے نتیجےمیں چوتھنی کی سڑک پھر ایک بار بہہ کر خستہ ہوگئی ہے۔ سڑک پر سواریوں کو ہی نہیں ، پیدل راہ گیروں کو چلنا پھرنا دشوار ہورہاہے۔ سڑک کی خستہ حالت کو دیکھ کر علاقے کے نوجوانوں نے جمعہ کی صبح سڑک کی مرمت کی اور شام کو سڑک کے درمیان پودوں کو نصب کرتےہوئے احتجاج کرنے کا واقعہ پیش آیا ہے۔
علاقے کے نوجوان ’’بہتر سڑک ،بہتر بھٹکل ‘‘ بیانر لگا کر احتجاج درج کیا۔ احتجاجیوں نے سخت برہمی کااظہار کرتےہوئے کہاکہ گزشتہ کئی برسوں میونسپالٹی سے کئی مرتبہ درخواست کی گئی کہ وہ سڑک کی درستی کریں مگر کوئی فائدہ نہیں ہوا۔ابھی تک کوئی ایک عوامی نمائندہ بھی یہاں کے حالات کی طرف توجہ نہیں کرتا، ہر سال مانسون کے بعد،مانسون کے بعد کہتے ہوئے دس بارہ مانسون بیت گئے ، بجٹ بناتےہیں لیکن وہ بجٹ کہاں چلا جاتاہے پتہ نہیں۔ جب کہ مندر، مسجد، چرچ کو جانےو الے اسی سڑک سے گزرتے ہیں، طلبا کو بھی اس راستے سے گزرنا ہوتاہے، بارش کے موسم میں سڑک پر کچھ مٹی ڈال کر لیپا توپی کی جاتی ہے، اب ہمیں سوائے احتجاج کے کوئی راستہ نہیں ہونے کی بات کہتے ہوئے عدم اطمینانی اور بیزارگی کااظہارکیا۔ ساتھ ہی انہوں نے انتباہ بھی دیا کہ ہمارے مسئلہ کا حل نکالنا ہوگا ورنہ سخت احتجاج کئے جانےکی بات کہی۔ اس موقع پرشاندار اسپورٹس سنٹر کے سکریٹری سرت انصار، ثناء اللہ اسدی ، مصطفیٰ اسامہ ، محمد دانش، محمد سلمان، عاکف سارت،ریاض احمد وغیرہ موجود تھے۔
ساحل آن لائن نے جب چیف آفیسر دیوراج سے اس سلسلےمیں پوچھا تو انہوں نےکہاکہ عوام کی طرف سے ابھی تک کوئی اطلاع نہیں ملی ہے۔ البتہ انہوں نے بتایا کہ وہ علاقے کی خستہ سڑک کا معائنہ کرنےکے بعد کوئی فیصلہ لیں گ