بھٹکل:29؍ڈسمبر (ایس او نیوز)کنڑا زبان کے کلاسیکل شاعرکوئمپو صدی کے شاعر ہیں، انہوںنے اپنے کلام کے ذریعے عالمی انسان کا آفاقی پیغام دیا ہے ۔ تعلقہ انتظامیہ بھٹکل کے زیراہتمام منعقدہ ’یوم عالمی انسان ‘ پروگرام کا تحصیلدار شنکر گوڈا نے افتتاح کرنے کے بعدا ن خیالات کااظہارکیا۔

انہوںنے کہاکہ ایک زمانے میں صرف اعلیٰ ذات تک محدود ادب  کو پسماندہ طبقہ سے تعلق رکھنے والے کوئمپو نے لازوال ادبی خدمات کے ذریعے اس کو بے مثال بنادیا۔ کنڑا ساہتیہ پریشد بھٹکل کے صدر گنگادھر نائک نے خصوصی مقالہ پیش کرتے ہوئے کہاکہ کوئمپو ایک دانش ور تھے جنہیں عالمی سطح پر شہرت ملی۔ انسانیت ہی سب کا راستہ ہونے کا پیغام پیش کیا۔ بی ای او ٔ منجی ایم آر نے پروگرام کی صدارت کی۔ تعلقہ پنچایت کارگزار آفیسر پربھاکر چکنمنے نے اپنے تاثرات کااظہارکیا۔ استاد سریش مرڈیشور نے عالمی انسانیت پر گیت پیش کرتےہوئے سب کا استقبال کیا اور نظامت کے فرائض انجام دئیے۔ تعلقہ پنچایت مینجر سدھیر گاؤنکر نے شکریہ اداکیا۔