بھٹکل اوراطراف کے  طلبہ وطالبات کے لئے15ڈسمبر کو ہوگا سائنسی وتحقیقی مقابلہ جات کاانعقاد : تعلیمی ادارے توجہ دیں

Source: S.O. News Service | By Abu Aisha | Published on 18th July 2019, 6:27 PM | ساحلی خبریں | ان خبروں کو پڑھنا مت بھولئے |

بھٹکل :18؍جولائی  (ایس اؤ نیوز) شہر بھٹکل کا معروف تعلیمی و فلاحی ادارہ تربیت اخوان(شمس اسکول)کے زیر اہتمام  اے جے اکیڈمی فار ریسرچ اینڈ ڈیلوپمنٹ کے اشتراک سے15ڈسمبر 2019 بروز اتوار کو سانتسی و تحقیقی مقابلہ جات کا انعقاد کیا گیا ہے جس میں  بھٹکل‘ مرڈیشور‘ شیرور اور منکی کے سرکاری و  غیر سرکاری‘امدادی (ایڈیڈ) اور غیر امدادی (ان ایڈڈ )اسکو لوں کے طلبا و طالبات حصہ لیں گے۔

پروگرام کے کو۔آرڈی ینٹر محمد رضا مانوی نے بتایا کہ اس ضمن میں اکیڈمی کے ڈائرکڑ محمد عبد اللہ جاوید ، ادارہ کے صدرمحمد اسماعیل محتشم اور نائب صدر نذیر قاضی صاحب کی زیر نگرانی اساتذہ اور انتظامیہ کی مشترکہ نشست میں سائنسی تحقیق کی اہمیت وضرورت‘اساتذہ اور انتظامیہ کا رول جیسے امور پر سیر حاصل گفتگو ہوئی اورسائنس فیر کے اہتمام کا فیصلہ لیا گیا۔

مسٹر مانوی نے بتایا کہ اس مقابلہ میں چہارم تادہم کے طلبہ وطالبات مختلف سائنسی زمروں جیسے حیاتیاتی سائنس‘ طبعیاتی سائنس‘ ماحولیاتی سائنس اور سماجی سائنس میں اپنی تحقیق پیش کرسکتے ہیں۔فیر میں داخلہ مفت رہے گا۔ہر زمرے میں بہترین تحقیق پیش کرنے والے طلبہ کوسائنسدان کے اعزاز سے نوازا جائیگا جبکہ تمام شریک ہونے والے طلبہ‘ مددگار اساتذہ اور حصہ لینے والے اسکولوں کو سرٹیفکیٹس دیئے جائیں گے۔اس مقابلہ میں شریک ہونے والے طلبہ کے بہترین تحقیقی پراجیکٹس کو قومی سطح پر منعقد ہونے والے سائنس فیر (National Science Fair)میں پیش کرنے کا موقع فراہم کیا جائے گا۔مزید تفصیلات کیلئے کوآرڈینٹرمحمد رضا مانوی سے9886455416 پر رابطہ کیا جاسکتا ہے۔

 محمد عبداللہ جاوید نے بتایا کہ تمام ترقی یافتہ ممالک کے نظام تعلیم میں تحقیق و جستجو پرائمری درجات ہی سے نصاب تعلیم میں شامل کی جاتی ہے یہی وجہ ہے کہ وہ سائنسی ترقی میں نہ صرف آگے ہیں بلکہ عوامی سطح پر اس کا مظاہرہ کیا جاسکتا ہے۔سائنس فیر کے ذریعہ درحقیقت اسی اہم امر کی جانب تعلیم وتعلم سے متعلق لوگوں کی توجہ مرکوز کرنا اور عام بیداری پیدا کرنا ہے۔تاکہ مستقبل قریب میں ہمارے نصاب تعلیم میں بھی تحقیق کو شامل کرنا ممکن ہوسکے۔اور طلبہ سائنسی ترقی کیلئے کارہائے نمایاں انجام دینے کے قابل بن سکیں۔ منتظم ادارے نے یہ بھی طے کیا ہے کہ ان کی تمام خدمات غیرجانبدارانہ اور غیر تجارتی ہوں گی کیونکہ یہی وہ مروجہ غلط روایات ہیں جو موجودہ نظام تعلیم میں بدقسمتی سے در آئی ہیں۔

ایک نظر اس پر بھی

یلاپور ودھان سبھا حلقہ ضمنی انتخابات : کانگریس امیدوار بھیمنانائک نے داخل کیا پرچہ نامزدگی ؛ہزاروں کارکنان کا جلوس

یلاپور ودھان سبھا حلقہ کے لئے 5دسمبر کو ہونےو الے ضمنی انتخابات کے لئے کانگریس امیدوار بھیمنانائک نے 14نومبر بروز جمعرات سابق وزیر اور ہلیال کے رکن اسمبلی آر وی دیش پانڈے کی قیادت میں پرچہ نامزدگی داخل کیا۔

کاروار کے لیڈی بیچ پر غیر قانونی سرگرمیوں پر نگاہ رکھنے وائر لس سی سی ٹی وی کیمروں کی نصب کاری : ماہی گیر نائب ڈائرکٹر کا بیان

شہر کے سمندر ی ساحل کے ’’لیڈی بیچ ‘‘ پر وائر لس سی سی ٹی وی کیمروں کو نصب کرنے کے متعلق غور کئے جانے کی جانکاری محکمہ ماہی گیر کے نائب ڈائرکٹر ناگراج نے دی ۔

ریاست کے مختلف مہانگر پالیکا اور میونسپالٹی ، پنچایت کے انتخابی نتائج کا اعلان : منگلورو میں بی جےپی تو ڈاونگیرہ میں کانگریس

ریاست میں بی ایس یڈیورپا کی قیادت والی بی جےپی حکومت اقتدار سنبھالنےکےبعد ہوئے مقامی عوامی اداروں کے لئے 12 نومبر کو انتخابات ہوئے تھے ، جس کے نتائج 14نومبر کو اعلان کئے گئے۔ ظاہری طورپر ریاست کے جن مقامی اداروں  کے اعلان کئے گئے نتائج میں مہانگرپالیکا کے کل وارڈوں میں سے ...

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔