بھٹکل رکن اسمبلی سُنیل نائک نے اُڈپی کی ماہی گیری کشتی سورنا تربھوج کے حادثے کے لئے بحری دستہ کو قرار دیا ذمہ دار

Source: S.O. News Service | By Abu Aisha | Published on 25th July 2019, 11:48 PM | ساحلی خبریں | ان خبروں کو پڑھنا مت بھولئے |

بھٹکل:25؍جولائی  (ایس اؤ نیوز) بھٹکل کے رکن اسمبلی سُنیل نائک نے  اُڈپی کے ملپے کی ماہی گیری کشتی سورنا تربھوج کے حادثے کے لئے بحری دستہ کو ذمہ دار قرار دیا ہے۔ بی جے پی رکن اسمبلی سُنیل نائک نے کہا کہ  اس کشتی کے ساتھ جو سانحہ پیش آیا اُس کے لئے بحری دستہ وجہ سبب بنا ہے۔  شرالی میں شری درگا پرمیشوری سمودایا بھون میں نئی تشکیل کردہ بھٹکل تعلقہ ماہی گیر مزدور کمیٹی (مینو گاریکا کلاسیگلا سنگھا) کا افتتاح کرتے ہوئے انہوں نے  کہا کہ کشتی پر سوار  لاپتہ ہونے والے تمام ماہی گیروں کے خاندانوں میں ریاستی حکومت کی طرف سے معاوضہ تقسیم کیا جاچکا ہے لیکن چونکہ بحری دستہ مرکزی حکومت کے ماتحت ہوتا ہے، لہٰذا مرکز سے معاوضہ ملنے کا انتظار ہے۔ انہوں نے اس موقع پر مطالبہ کیا کہ  متاثرہ خاندانوں کے لئے  50 لاکھ روپیوں کے معاوضے کا اعلان کریں۔ انہوں نے متنبہ کیا  کہ اگر متاثرہ خاندان کو بحری دستہ  کی جانب سے اتنا معاوضہ نہیں دیا جاتا تو وہ ودھان سبھا میں اُڈپی کے رکن اسمبلی رگھوپتی بھٹ کی قیادت میں احتجاج کریں گے۔

 پروگرام میں شریک ضلع پنچایت صدر جئے شری موگیر نے اپنے خطاب میں اپنی جانب سے ماہی گیروں کی اس نئی کمیٹی کی ترقی کے لئے ہرممکن  مدد و تعاون کرنے کا اعلان کیا۔ شرالی گرام پنچایت کے صدر وینکٹیش نائک، شری درگا پرمیشوری مندر ماری جاتراکمیٹی کے صدر راما موگیرنے بھی اپنے خیالات کااظہارکیا۔ ماہی گیرمزدور سنگھا کے صدر ناگراج ڈی موگیر نے پروگرام کی صدارت کی۔ مندر انتظامیہ کے صدر نارائن دئیمنے ، ناگراج ہری کنتر، موگیر سماج صدر انپا موگیر، فرشین بوٹ یونین کے صدر شری دھر موگیر، ناڈ دونی سنگھا کے صدر وینکٹیش موگیر، گوپال موگیر، جٹگا موگیر، سنگھا کے نائب صدر سومیا موگیر وغیرہ موجود تھے۔

ناگراج نے استقبال کرتے ہوئے نظامت کے فرائض انجام دئیے ۔ نرسمہا موگیر نے پرارتھنا کی اور شکریہ اداکیا۔اس موقع پرسورنا تربھوج کشتی حادثے میں لاپتہ ہونے والے مالی گیروں کے خاندانوں اور حال ہی میں بنٹوال میں پیش آئے سڑک حادثے میں ہلاک ہونے والے بھٹکل کے متاثرہ خاندانوں کو ماہی گیر مزدور سنگھا کی طرف سے مالی  تعاون دیاگیا۔

ایک نظر اس پر بھی

کووِڈ اَپ ڈیٹ: ضلع شمالی کینرا میں بھٹکل میں 15 متاثرین سمیت99نئے پوزیٹیو معاملات۔کاروار میں ضلع پنچایت سی ای او کی رپورٹ بھی نکلی پوزیٹیو 

ضلع شمالی کینرا میں بدھ کی شام کو ملنے والی رپورٹ کے مطابق جملہ 99افراد کی رپورٹ پوزیٹیو آئی ہے جس میں ضلع پنچایت کے چیف ایکزیکٹیو بھی شامل ہیں۔جبکہ آج 74مریض صحت یا ب ہوکر اسپتال سے ڈسچارج ہوئے ہیں۔

 بھٹکل جالی پٹن پنچایت کی نئی عمارت کی تعمیرروک دی جائے۔ پنچایت اراکین نے کیا اسسٹنٹ کمشنر سے مطالبہ 

بھٹکل جالی پٹن پنچایت کے اراکین نے اسسٹنٹ کمشنرکو میمورنڈم دیتے ہوئے مطالبہ کیا ہے کہ ایڈمنسٹریٹر کی حیثیت سے تحصیلدار نے جالی پٹن پنچایت کی نئی عمارت تعمیر کرنے کا جو کام شروع کیا ہے

اننت کمار ہیگڈے نے لگایابی ایس این ایل میں دیش دروہی افسران موجود ہونے کا الزام

اپنے متنازعہ بیانات کے لئے پہچانے جانے والے رکن پارلیمان اننت کمار ہیگڈے نے الزام لگایا کہ بھارت سنچار نگم لمیٹڈ کے اندر دیش دروہی افسران بیٹھے ہوئے جس کی وجہ سے اس کے کام کاج میں کوئی ترقی نہیں ہورہی ہے۔ اس لئے آئندہ دنوں میں اس کی نج کاری (پرائیویٹائزیشن) کیا جائے گا۔

ایم پی اننت کمار ہیگڈے کا بھٹکل دورہ؛ 23.72کروڑ روپے کے ترقیاتی منصوبوں کو دکھائی ہری جھنڈی

پیر کو رکن پارلیمان اننت کمار ہیگڈے نے بھٹکل کا دورہ کرتے ہوئے  بھٹکل تعلقہ میں ’پردھان منتری گرام سڑک یوجنا‘کے تحت 23.72کروڑ روپے لاگت کے مختلف ترقیاتی منصوبوں کو ہری جھنڈی دکھائی۔ وہ یہاں ماروتی نگر میں بی جے پی تعلقہ آفس کا افتتاح کرنے کے بعد خطاب کررہے تھے۔

باپ کی املاک پر بیٹی کا بیٹے کی طرح یکساں حق: سپریم کورٹ

سپریم کورٹ نے منگل کو ایک دور رس نتائج والے اپنے فیصلہ میں کہا ہے کہ ہندو غیر منقسم خاندان کی آبائی املاک میں بیٹی کو بیٹے کی طرح ہی حقوق حاصل ہوں گے، یہاں تک کہ اگر ہندو جانشینی (ترمیمی) ایکٹ 2005 کے نفاذ سے قبل ہی اس کے والد کی موت کیوں نہ ہوگئی ہو۔

بنگلور: ٹرانسفرس کے احکامات ملتوی کرانے میں مبینہ طور پر با رسوخ اساتذہ کی لابی شامل، چار سال سے ڈگری کالجوں کے لکچررس کے تبادلے نہیں ہوسکے

ریاست کرناٹک کے سرکاری فرسٹ گریڈ کالجوں میں خدمات انجام دے رہے لکچررس کے تبادلے نہیں ہوسکے ہیں، جس کے سبب انہیں کافی مشکلات کا سامنا کرنا پڑ رہا ہے اس تعلق سے الزامات لگائے جارہے ہیں کہ  چند با رسوخ لکچررس کی طرف سے سیاسی اثر و رسوخ کا استعمال کرکے تبادلوں کی کاروائی ملتوی ...