بھٹکل 8/مئی (ایس او نیوز) بھٹکل میونسپل کونسل کے انتخابات کے لئے آج بدھ کو بھٹکل تحصیلدار این بی پاٹل نے نوٹی فیکیشن جاری کرتےہوئے پرامن طریقے پر ووٹنگ کرانے تمام تیاریاں مکمل ہونے کی جانکاری دی۔
تحصیلدار دفتر میں بلائی گئی پریس کانفرنس میں تحصیلدار نے بتایا کہ بھٹکل ٹاون میونسپالٹی میں 12133 مرد اور 11787 خواتین ووٹروں سمیت جملہ 23920 ووٹرس ہیں۔ یہاں جملہ 23 وارڈس ہیں جس کے لئے چار معاون بوتھ بشمول 27 بوتھ بنائے گئے ہیں۔ انتخابات کے لئے تین انتخابی آفسر اور تین ان کے معاون مقرر کئے گئے ہیں۔ میونسپل کونسلر کے ان انتخابات کے لئے اُمیدواروں کو انتخابی پرچار کے لئے 1.50 لاکھ روپئے تک خرچ کرنے کی اجازت دی گئی ہے۔
تحصیلدار نے بتایا کہ میونسپالٹی حدود میں رہنے والا کوئی بھی شخص کسی بھی وارڈ کے لئے انتخاب لڑ سکتا ہے، اُمیدوار کو اپنے ہی وارڈ میں انتخاب کے لئے کھڑا ہونا ضروری نہیں ہے۔ تحصیلدار نے اسی طرح انتخابات میں کھڑے ہونے والے اُمیدواروں کے تعلق سے دیگر کئی معلومات فراہم کی۔
تحصیلدار نے بتایا کہ انتخابات میں شریک ہونے کے لئے پرچہ نامزدگی داخل کرنے کی آخری تاریخ 16 مئی ہے، 17 مئی پرچوں کی جانچ ہوگی، جبکہ 29 مئی کو انتخابات ہوں گے۔31 مئی کو ووٹوں کی گنتی کے بعد نتائج کا اعلان کیا جائے گا۔
تحصیلدار کی آج کی پریس میٹ کی وڈیو لنک نیچے دی جارہی ہے۔