بھٹکل:12؍اکتوبر(ایس اؤ نیوز)بھٹکل سے بنگلورو ، ممبئی ، پونا سمیت دور درازمقامات کو جانے والی پرائیویٹ بسوں کے کرایہ میں من مانے  اضافے کی شکایت  پر کاروائی کرتے ہوئے بھٹکل  تحصیلدار وی پی کوٹرولی نے سنیچر کی رات پرائیویٹ بس اسٹانڈ پر پہنچ کر بسوں کے ایجنٹوں کو تاکید کی اور کہا کہ  وہ اصولوں کے مطابق بسوں کا کرایہ لیں جو جی میں آیا بڑھاچڑھاکر نہ لیں۔

اس سلسلے میں بات کرتے ہوئے تحصیلدار کوٹرولی نے کہاکہ عید، تہوار ،عوامی تعطیلات کے موقعوں پر بسوں کے کرایے میں بے تحاشہ اضافہ کئے جانے  کے متعلق شکایت موصول ہوئی تھیں۔ جس کے نتیجےمیں عوام کافی مشکلات کا سامنا کررہے تھے، اس پر قد غن لگانے اور ایجنٹوں سے حالات  معلوم کرنے وہ پرائیویٹ بسوں کے آڈے پر پہنچے ہیں اس سلسلے میں بسوں کے ایجنٹوں کو بھی انہوں نے ہدایات جاری کی ہیں۔ اگر عوام کی شکایات سچی ہیں توآئندہ دنوں میں قانونی کارروائی کرنے کی بات کہی۔