بھٹکل 20 جولائی (ایس او نیوز) پیر کو ہوئے ایس ایس ایل سی امتحانات میں بھٹکل تعلقہ کے 12 امتحانی مراکز میں 2492 طلبہ امتحان میں شریک ہوئے جبکہ 8 طلبہ غیر حاضر رہے۔
کووِڈ وباء کے چلتے ایک ہی دن میں تین امتحانات کا انعقاد کیا گیا تھا جس کے لئے بھٹکل تعلقہ میں 1352 لڑکوں میں 1345 لڑکے امتحان میں شریک ہوئے، جبکہ 1148 لڑکیوں میں 1147 لڑکیاں حاضر رہیں اور امتحانی پرچات لکھے۔
یاد رہے کہ لاک ڈاؤن کی سخت پابندیاں ختم ہونے اور کورونا کی رفتار سست پڑنے کے بعد کرناٹک میں پیر سے دوروزہ ایس ایس ایل کے امتحانات طے شدہ فارمولے کے مطابق شروع کئے گئے ،جس میں ریاست بھر سے 7,83,882 طلبہ شریک رہے ۔
سال گزشتہ کے مقابلے میں اس بار ریاست میں امتحان کے طریقہ کار کارکو تبدیل کیا گیا ہے ،صرف دودن یعنی کہ 19 جولائی کو تین پرچوںمیتھس، سوشیل سائنس اور سائنس کے پرچے لکھوائے گئے تو اب 22 جولائی کو دیگر لنگویجس کے تین پرچوں کےامتحانات ہوں گے ۔پہلے دن صبح 10:30 بجے تمام احتیاطی تدابیر کے ساتھ امتحانات شروع ہوئے جو دوپہر دیڑھ بجے تک جاری رہے۔
امتحان گاہ میں احتیاطاً ایک بلاک میں صر ف بارہ طلباء کے بیٹھنے کے لئے ہی بندوبست کیا گیا تھا ۔بی ای اؤ کی مانیں تو کورونا علامات والے طلباء کے لئے تمام مراکز میں الگ سے دوکلاسوں کا نظام بنائے جانے کی ریاستی حکومت کی جانب سے ہدایت جاری کی گئی تھیں لیکن راحت کی بات یہ رہی کہ یہاں بھٹکل میں ایساکوئی طالب علم نہیں رہا۔ جبکہ کورونا کی روک تھام کو یقینی بنانے کے لئے امتحانی مراکز میں پہلے سے کورونا ٹیکہ لگوائے گئے اساتذہ کا ہی تقرر کیا گیا ہے اس کے باؤجود احتیاطی تدابیر اختیار کرتے ہوئے تین دن پہلے ہی سبھی اساتذہ کا آرٹی پی سی آرٹیسٹ بھی کیا گیا تھا جس میں نیگیٹیوآنے والے اساتذہ کو ہی امتحانی مراکز آنے کی اجازت دی گئی تھی۔ساتھ ہی امتحان گاہ میں داخلے سے پہلے تمام طلباء کی تھرمل اسکیننگ اور آکسی میٹر کے ذریعہ نبض کی جانچ اور ہاتھوں کو بھی سینی ٹائز کرنے کا بندوبست کیا گیا تھا ۔
امتحانی مراکز کے آس پاس سومیٹر کے احاطے میں دفعہ144 نافذ کی گئی تھی ،اور زیراکس دکانوں کو بندرکھنے کی سختی کے ساتھ ہدایت جاری کی گئی تھی ،اور سیکورٹی اہلکاروں کو بھی تعیینات کیاگیا تھا ۔خاص بات یہ رہی کہ نجی طور پر دیڑھ سو کلومیٹر کا سفر طئے کرکے کاروار پہنچ کرامتحان دینے والے طلباء کے لئے بھی اس بار بھٹکل بینا ویدیا اسکول میں ہی پرچہ لکھنے کا بندوبست کیاگیا ہے جس پر طلباء نے راحت کی سانس لی۔ اس موقع پر پرامن امتحانات کو یقینی بنانے کے لئے بھٹکل اسسٹنٹ کمشنر اور بی ای اؤ اپنے عملے کے ساتھ امتحانی مراکز کا دورہ کرکے حالات کا جائزہ لیتے ہوئے دیکھے گئے۔
خیال رہے کہ محکمہ تعلیم کی جانب سے امتحان میں شرکت کرنے والے سبھی طلباء کو کامیاب کرنے کا اعلان پہلے ہی کیا جاچکاہے ۔