بچوں کوکھیل میں مکمل کوچنگ فراہم کرکے اُنہیں انٹرنیشنل سطح پر لے جانے 15 اپریل کو ہوگا بھٹکل اسپورٹس اکیڈمی کا شاندار افتتاح

Source: S.O. News Service | By I.G. Bhatkali | Published on 1st April 2019, 6:09 PM | ساحلی خبریں | اسپورٹس |

بھٹکل یکم اپریل (ایس او نیوز) بھٹکل میں ہرسال  بھٹکل کی بڑی بڑی ٹیموں کے زیراہتمام  کرکٹ کے عالیشان ٹورنامنٹ منعقد ہوتے رہتے ہیں   اور  میچوں میں بھٹکل کے   کھلاڑیوں کے پرفارمینس اور اُن کی شاندار کارکردگی کو دیکھتے ہوئے پروگرام میں شریک مہمان خصوصی ہر بار کھلاڑیوں اور آرگنائزرس کی تعریف کرتے ہوئے اس بات کو دہراتے ہیں کہ  ہمارے نوجوانوں میں اتنا زبردست ٹیلنٹ ہونے کے بائوجود یہ کھلاڑی  مقامی سطح سے آگے نہیں بڑھ پارہے ہیں، ایسے میں اکثر مہمان اس بات کا  مشورہ دیتے  ہیں کہ بھٹکل میں اسپورٹس اکیڈمی کی سخت ضرورت ہے جو بچوں کے  کھیل کو نکھار سکے، اُنہیں  مکمل ٹریننگ دے سکے اور اُنہیں آگے بڑھنے کی راہ دکھاسکے۔

لگتا ہے  اب کھلاڑیوں کی اُمید برآئی  ہے کیونکہ بھٹکل میں بہت جلد بھٹکل اسپورٹس اکیڈمی شروع ہورہی ہے جس کا شاندار افتتاح 15/اپریل کو کیا جارہا ہے۔ سعودی عربیہ کے بزنس ٹائکون جناب ارشاد صدیقہ کے ہاتھوں اکیڈمی کا افتتاح ہوگا، جبکہ  کرناٹک اسٹیٹ کرکٹ اسوسی ایشن ،دھارواڑ زون کے کنوینر ایم بی بھوساد اور کرناٹک کرکٹ اسوسی ایشن، مینگلور زون کے کنوینر منوہر امین  مہمان خصوصی کے طور پر شریک ہوں گے۔

اکیڈمی کے  مینجنگ ڈائرکٹر  جناب وسیم کے ایم نے بتایا کہ  اکیڈمی کے ذریعے کرکٹ کے ساتھ ساتھ کبڈی کھلاڑیوں کو بھی مکمل کوچنگ فراہم کی جائے گی اور اُنہیں مقامی سطح سے ریاستی ، ملکی اور عالمی سطح تک لے جانے ہرممکن  کوشش کی جائے گی۔ انہوں نے بتایا کہ  اکیڈمی میں بچوں کو کوچنگ فراہم کرنے ہبلی اور دیگر شہروں سے ماہرین کی خدمات حاصل کی گئی ہے۔

وسیم نے بتایا کہ بھٹکل اسپورٹس اکیڈمی  میں آٹھ سال کے بچوں سے لے کر بڑی عمر کے کھلاڑیوں  کو ٹریننگ دی جائے گی۔ اب چونکہ اسکولوں اور کالجوں میں چھٹیاں شروع ہورہی ہیں، ایسے میں سمر کلاسس  کے ساتھ اکیڈمی میں ٹریننگ کا آغاز ہوگا۔ اکیڈمی میں داخلہ لینے کی کاروائی 3/اپریل سے شروع کی جارہی ہے جس کے لئے  دفتر پہنچ کر متعلقہ فارم بھرنا ضروری ہے۔

وسیم کے مطابق  پہلے 50 داخلہ لینے والے بچوں/کھلاڑیوں کو  20 فیصد کی خصوصی رعایت دی جارہی ہے۔ لہٰذا انہوں نے کھلاڑیوں سے درخواست کی ہے کہ پہلی فرصت میں اپنا نام رجسٹرڈ کرائیں۔اسپورٹس اکیڈمی میں گلف میں مقیم  بچوں کے لئے اُن کی بھٹکل امد پر خصوصی پیکیج فراہم کرنے کی بھی وسیم نے بات کہی۔

وسیم کا کہنا ہے کہ بھٹکل کے کھلاڑیوں میں بہترین ٹیلنٹ پایا جاتا ہے، مگر وہ  مقامی سطح پر ہی کھیل کر اپنا ٹیلنٹ ضائع کردیتے ہیں اگر ہمارے کھلاڑیوں پر  تھوڑی سی محنت کی جائے تو  وہ نہ صرف نیشنل لیول بلکہ انٹرنیشنل لیول پربھی آگے  بڑھ  سکتے ہیں، ایسے میں ضروری ہے کہ ہمارے کھلاڑیوں کو   ماہر کوچ کے ہاتھوں ٹریننگ فراہم کریں۔

یاد رہے کہ حال ہی میں بھٹکل اسپورٹس اکیڈمی کی جانب سےبھٹکل اور اطراف کے کھلاڑیوں پر مشتمل ایک کرکٹ ٹیم نے ہبلی میں کرناٹکا اسٹیٹ اسوسی ایشن (کے ایس اے) فورتھ ڈیویژن میں حصہ لیا تھا اور شاندار کھیل کا مظاہرہ پیش کرتے ہوئے فائنل مقابلہ بھی جیت لیا تھا، اب وہ ٹیم کے ایس اے کے تھرڈ ڈیویژن کے لئے کولیفائی کرگئی ہے، تھرڈ ڈیویژن کے ٹورنامنٹ ہبلی میں اکتوبر میں کھیلے جائیں  گے۔

وسیم نے بھٹکل سمیت اطراف کے علاقوں کے کھلاڑیوں سے  بھی درخواست کی ہے کہ وہ  اس کیڈمی سےبھرپور  فائدہ اُٹھائیں اور  اپنے ٹیلنٹ کا صحیح استعمال کرتے ہوئے  قومی ٹیم میں  شامل ہوکر ملک و ملت کا نام روشن کریں۔

وسیم نے بتایا کہ  بھٹکل اسپورٹس اکیڈمی  کو قائم کرنے  کے لئے سعودی عربیہ کے معروف بزنس ٹائیکون جناب صدیقہ ارشاد  نے اُن کا بھرپور تعاون کیا ہے اور اُن ہی کے تعاون سے وہ اس کام کو آگے بڑھارہے ہیں۔

بھٹکل اسپورٹس اکیڈمی کا دفتر بھٹکل نیشنل ہائی وے،   ٹی ایف سی کے بالمقابل   سِم اینکلیو میں واقع ہے۔ وسیم سے موبائل نمبر 8904600600 پر بھی رابطہ قائم کیا جاسکتا ہے۔

ایک نظر اس پر بھی

ساحلی علاقے میں کاروباری سرگرمیوں کا اہم مرکزبننے جارہا ہےانکولہ شہری ہوائی اڈہ، بندرگاہ اور انڈسٹریل ایسٹیٹ کے تعمیری کام سے بدل رہا ہے نقشہ

آج کل  شمالی کینرا کے شہر انکولہ میں بڑے اہم سرکاری منصوبہ جات پر کام شروع ہورہا ہے جس کی وجہ سے ایسا لگتا ہے کہ  مستقبل قریب میں یہاں کا نقشہ ہی بدل جائے گا اور پورے ساحلی علاقے انکولہ شہر کاروباری سرگرمیوں کا اہم مرکز بن جائے گا اور پورے ملک کی توجہ اپنی طرف کھینچ لے گا،جس سے ...

بھٹکل میں اے سی کے ذریعے دکانوں کو بند کرنے کا معاملہ؛ مرچنٹ اسوسی ایشن کی درخواست پر کاغذات دُرست کرانے تین ہفتوں کی ملی مہلت

بھٹکل اسسٹنٹ کمشنر مسٹر بھرت نے  آج بھٹکل مرچنٹ اسوسی ایشن کی درخواست پر بھٹکل کے دکانداروں کو تین ہفتوں  کی مہلت دی ہے کہ وہ اس مدت میں  اپنے کاروبار کا لائسنس بنائے یا جن کے پاس لائسنس ہے وہ اپنا لائسنس رینیو کرائے۔ اگر دی گئی مہلت میں دکاندار اپنے کاغذات  کو تیار نہیں ...

منگلورو میں سڑک کی تعمیر نو کے وقت دریافت ہواایک صدی پرانا تاریخی کنواں !

منگلورو سمارٹ سٹی پروجیکٹ کے تحت ہمپن کٹّا کے علاقے میں سڑک کی تعمیر نو کے لئے کھدائی  کے دوران ایک صدی پرانا تاریخی کنواں  دریافت ہو اہے۔  اور تعجب کی بات ہے کہ ابھی بھی اس کنویں کا پانی بہت ہی صاف و شفاف ہے اور کنواں اچھی حالت میں موجود ہے۔

بھٹکل لائن اسپورٹس ہال میں میونسپل حکام کی عوام کے ساتھ میٹنگ؛ مچھروں کی بھرمار پر قابو پانے سمیت کئی ایک مسائل پر ہوا غورو خوض

بھٹکل فاروقی اسٹریٹ پر واقع لائن اسپورٹس ہال میں منعقدہ میونسپالٹی حکام کی عوام کےساتھ ہوئی میٹنگ میں  علاقہ میں مچھروں کی بھرمار پر سخت تشویش کا اظہار کرتے ہوئے  مچھر مار دوائیوں کے چھڑکاو پر زور دیا گیا، اسی طرح ڈرینیج سسٹم کی درستگی سمیت دیگر کئی اہم مسائل پر بھی  غوروخوض ...

جب گیند ہاتھ میں ہوتی ہے تو ایسا لگتا ہے کہ میں راجہ ہوں: محمد شامی

طویل انتظار کے بعد آخر کار انڈین پریمیر لیگ کا 13 واں سیزن 19 ستمبر سے متحدہ عرب امارات میں شروع ہونے جارہا ہے۔ کے ایل راہل کی قیادت میں کنگز الیون پنجاب کی نظرپہلی بار خطاب پر ہے۔ تاہم کنگز الیون پنجاب کے لئے فاسٹ بولر محمد شامی کی کارکردگی سب سے زیادہ اہم ہوگی۔ محمد شامی نے کہا ...

ای سی بی کو کورونا کی وجہ سے ہوا بڑا نقصان،20 فیصد ملازمتوں میں ہوگی کمی

کورونا وائرس کی وجہ سے گزشتہ6 ماہ میں کرکٹ کو بہت نقصان اٹھانا پڑا ہے۔ انگلینڈ اور ویلز کرکٹ بورڈ کی ٹیم چار ماہ بعد میدان میں واپس آئی، لیکن اس کے باوجود کووڈ کی وجہ سے ای سی بی معاشی طور پر سب سے زیادہ متاثر ہوا ہے۔ ای سی بی اپنے عملے میں 20 فیصد کمی کرے گا جو 62 ملازمتوں کے مترادف ...

آئی پی ایل 2020: کوچ کمبلے نے کہا: کرس گیل کا کردار اہم ہوگا

کنگز الیون پنجاب کی نظر انڈین پریمیر لیگ کے 13 ویں سیزن میں پہلی بار ٹائٹل جیتنے پر ہے۔ انیل کمبلے کنگز الیون پنجاب کی کوچنگ کررہے ہیں، جبکہ کے ایل راہل کی شاندار فارم کو دیکھتے ہوئے کپتانی کی ذمہ داری سونپی گئی ہے۔ انیل کمبلے نے انکشاف کیا ہے کہ رواں سیزن میں 41 سالہ کرس گیل کا ...

رونالڈو نے بین الاقوامی فٹ بال میں لگائی سنچری،عالمی ریکارڈ کے لیے مزید9 گول کی ضرورت

اسٹار اسٹرائیکر کرسٹیانو رونالڈو بین الاقوامی فٹ بال میں 100 گول اسکور کرنے والے دنیا کے دوسرے فٹ بالر بن گئے۔ منگل کو پرتگال کی نیشنل لیگ میں سویڈن کے خلاف 2-1 سے فتح کے دوران رونالڈو نے یہ کارنامہ انجام دیا۔35 سالہ رونالڈو نے فری کک پر 25 میٹر کے فاصلے سے ٹیم کا پہلا گول اسکور ...